દેશનો જીડીપીનો ગ્રોથ રેટ ૬ ટકાએ પહોંચશે : ક્રિસિલ

ક્રિસિલે વધુમાં જણાવ્યું હતું કે એ આગામી નાણાકીય વર્ષમાં કૉર્પોરેટ રેવન્યુમાં ફરી બે આંકડામાં વધારો થવાની અપેક્ષા રાખે છે

પ્રતીકાત્મક તસવીર

રેટિંગ એજન્સી ક્રિસિલે જણાવ્યું હતું કે સર્વસંમતિના અનુમાનને અનુરૂપ અર્થતંત્ર આગામી નાણાકીય વર્ષમાં ૬ ટકાના ઝડપી વૃદ્ધિદરમાં પ્રવેશ કરે એવી શક્યતા છે. એજન્સી પણ આગામી પાંચ નાણાકીય વર્ષમાં અર્થતંત્ર ૬.૮ ટકાના સરેરાશ વૃદ્ધિદર નોંધાવે એવી ધારણા છે. ક્રિસિલે વધુમાં જણાવ્યું હતું કે એ આગામી નાણાકીય વર્ષમાં કૉર્પોરેટ રેવન્યુમાં ફરી બે આંકડામાં વધારો થવાની અપેક્ષા રાખે છે. નૅશનલ સ્ટૅટિસ્ટિકલ ઑર્ગેનાઇઝેશન (એનએસઓ)એ ચાલુ નાણાકીય વર્ષ માટે ૭ ટકા ગ્રોથનો અંદાજ મૂક્યો છે, જે મોટા ભાગના વિશ્લેષકો ઊંચા દરની આશા રાખે છે. ચાલુ નાણાકીય વર્ષના માર્ચ ક્વૉર્ટરમાં ૪.૫ ટકાથી વધુના વૃદ્ધિદરની સંભાવના છે.

ક્રિસિલના મુખ્ય અર્થશાસ્ત્રી ડી. કે. જોશીએ એની રદ થયેલી વૃદ્ધિની આગાહીમાં જણાવ્યું હતું કે ભૌગોલિક રાજકીય ઘટનાઓની જટિલ આંતરપ્રક્રિયા, હઠીલો ઉચ્ચ ફુગાવો અને એનો સામનો કરવા માટે દરમાં તીવ્ર વધારાએ વૈશ્વિક વાતાવરણને અંધકારમય બનાવી દીધું છે.

સ્થાનિક મોરચે તેમણે જણાવ્યું હતું કે દરવધારાની ટોચની અસર મે ૨૦૨૨થી ૨૫૦ બેસિસ પૉઇન્ટ, જેણે વ્યાજદરોને કોવિડ પહેલાંના સ્તરથી ઉપર ધકેલી દીધા છે અને આગામી નાણાકીય વર્ષમાં વ્યાજદરમાં વધુ વધારો જોવા મળશે.