હોર્મુઝમાં ફરી ઈરાનનો તાંડવ, IRGCએ જહાજ પર કરી ફાયરિંગ, કંટ્રોલ રૂમનો નાશ

ચાલી રહેલા ઈરાન-અમેરિકા સંઘર્ષ દરમિયાન એક મોટી ઘટના બની છે. જ્યારે બીજા રાઉન્ડની વાતચીત રદ થયા બાદ તણાવ વધી ગયો છે, ત્યારે હોર્મુઝમાં ફરી એકવાર અશાંતિ ફાટી નીકળી છે. હોર્મુઝ સ્ટ્રેટમાં કન્ટેનર જહાજને નિશાન બનાવવાની આ સતત ત્રીજી ઘટના છે.

પ્રતીકાત્મક તસવીર સૌજન્ય : મિડ-ડે

અમેરિકા (America) દ્વારા યુદ્ધવિરામ લંબાવવાની જાહેરાત બાદ, ઈરાને ફરી એકવાર હોર્મુઝ સ્ટ્રેટમાંથી પસાર થતા જહાજ પર હુમલો કર્યો. આ વખતે, ઈરાની ઇસ્લામિક રિવોલ્યુશનરી ગાર્ડ કોર્પ્સની એક ગનબોટે જહાજ પર ગોળીબાર કર્યો, જેના કારણે જહાજના કંટ્રોલ રૂમને નોંધપાત્ર નુકસાન થયું.

ચાલી રહેલા ઈરાન-અમેરિકા સંઘર્ષ (Iran-America Conflict) દરમિયાન એક મોટી ઘટના બની છે. જ્યારે બીજા રાઉન્ડની વાતચીત રદ થયા બાદ તણાવ વધી ગયો છે, ત્યારે હોર્મુઝમાં ફરી એકવાર અશાંતિ ફાટી નીકળી છે. હોર્મુઝ સ્ટ્રેટમાં કન્ટેનર જહાજને નિશાન બનાવવાની આ સતત ત્રીજી ઘટના છે. જ્યારે પહેલા બે હુમલા અમેરિકા દ્વારા કરવામાં આવ્યા હતા, ત્યારે આ વખતે ઈરાને કન્ટેનર જહાજને નિશાન બનાવ્યું હતું.

યુકે મેરીટાઇમ ટ્રેડ ઓપરેશન્સને ઓમાન નજીક એક જહાજ સાથે સંકળાયેલી ઘટનાના અહેવાલો મળ્યા છે. આ ઘટના ઓમાનથી ઉત્તરપૂર્વમાં આશરે 15 નોટિકલ માઇલ દૂર બની હતી. એજન્સી અનુસાર, કન્ટેનર જહાજના કેપ્ટને અહેવાલ આપ્યો હતો કે ઇસ્લામિક રિવોલ્યુશનરી ગાર્ડ કોર્પ્સની ગનબોટ જહાજની નજીક પહોંચી અને ગોળીબાર કર્યો. હુમલાથી જહાજના કંટ્રોલ રૂમને નોંધપાત્ર નુકસાન થયું. જો કે, કોઈ આગ કે પર્યાવરણીય નુકસાનના કોઈ અહેવાલ નથી. બોર્ડ પરના તમામ ક્રૂ સભ્યો સુરક્ષિત હોવાનું જાણવા મળ્યું છે.

હોર્મુઝ સ્ટ્રેટમાં હાલની પરિસ્થિતિ શું છે?

ઈરાન (Iran) હોર્મુઝ સ્ટ્રેટ પર મજબૂત દેખરેખ રાખે છે અને ઘણા કિસ્સાઓમાં, જહાજોની ગતિવિધિઓને નિયંત્રિત અથવા દેખરેખ રાખી રહ્યું છે. યુનાઇટેડ સ્ટેટ્સ (United Status) નેવી પણ આ વિસ્તારમાં સક્રિય છે અને ઈરાન પર દબાણ લાવવા માટે દરિયાઈ નાકાબંધી લાદી છે. કેટલીક ઘટનાઓમાં, જહાજો બંધ કરવામાં આવ્યા છે, ગોળીબારના અહેવાલો છે, અને તણાવ ઊંચો રહે છે. હોર્મુઝ સ્ટ્રેટ અંગે બંને દેશો વચ્ચે હજુ સુધી કોઈ કરાર થયો નથી. પરિણામે, બંને દેશો આ વિસ્તાર પર પોતાનો નિયંત્રણ દાવો કરી રહ્યા છે. જ્યારે યુએસ નાકાબંધી અમલમાં છે, ત્યારે ઈરાન પણ વધુ સક્રિય બન્યું છે અને આ વિસ્તારમાંથી પસાર થતા જહાજો પર હુમલો કરવાનું શરૂ કરી દીધું છે.

હોર્મુઝ વિવાદમાં કેમ ફસાયેલું છે?

કાયદેસર રીતે, હોર્મુઝ સ્ટ્રેટ (Starit of Hormuz) એક આંતરરાષ્ટ્રીય માર્ગ છે, જે તમામ દેશોના જહાજોને પસાર થવા દે છે. વાસ્તવમાં, ઈરાન ત્યાં તેની લશ્કરી હાજરી દ્વારા પોતાનો પ્રભાવ જાળવી રાખે છે. દરમિયાન, યુએસ અને તેના સાથીઓ આ પ્રભાવને પડકારે છે, જેના કારણે સંઘર્ષ થાય છે. ઈરાન આ સમયે ટોલ વસૂલવાનો અધિકાર ઇચ્છે છે, પરંતુ યુએસનું કહેવું છે કે આ માર્ગ એક મફત માર્ગ છે અને કોઈપણ જહાજને પસાર થવા દે છે.