શું IPLને કારણે થઈ આટલી બધી ઈજા, બે મહિનામાં આટલા ખેલાડી ઇન્જર્ડ

ઑસ્ટ્રેલિયન કોચ જસ્ટિલ લેંગરે ઇન્ડિયન પ્રીમિયર લીગના ટાઇમિંગને પ્રશ્નો ઉઠાવ્યા છે.

તેમણે કહ્યું કે હાલની સીરિઝમાં ભારત અને ઑસ્ટ્રેલિયા વચ્ચે એટલા ક્રિકેટરોના ઇજાગ્રસ્ત થવામાં આ લીગનું પણ યોગદાન છે.

કોરોના મહામારીને કારણે આઇપીએલ સપ્ટેમ્બરથી નવેમ્બર વચ્ચે યૂએઇમાં રમવામાં આવી. સામાન્ય રીતે આ એપ્રિલ મેમાં ભારતમાં રમવામાં આવે છે. 

આઇપીએલ પછી ભારતના કેટલાય ખેલાડી ઇજાગ્રસ્ત થયા અને ઑસ્ટ્રેલિયન ટીમ પણ ફિટનેસની સમસ્યાઓથી જજૂમી રહી છે.

લેન્ગરે એક વર્ચ્યુઅલ પ્રેસ કૉન્ફરેન્સમાં કહ્યું, "આ સત્રમાં ઇજાગ્રસ્તોની યાદી લાંબી છે. મને લાગે છે કે આઇપીએલ 2020ની ટાઇમિંગ યોગ્ય નહોતી. ખાસ કરીને આટલી મોટી સીરિઝ પહેલા તો ક્યારેય નહીં."

ભારતના પ્રમુખ ખેલાડીઓ મોહમ્મદ શમી, કેએલ રાહુલ અને ઉમેશ યાદવ તો ઇજાગ્રસ્ત હોવાને કારણે સીરિઝમાંથી બહાર થયા જ અને હવે તાજેતરના નામમાં રવિન્દ્ર જાડેજા અને જસપ્રીત બુમરાહનું નામ પણ જોડાઇ ગયું છે.

ઑસ્ટ્રેલિયન ક્રિકેટર ડેવિડ વૉર્નર પહેલી બે ટેસ્ટ મેચ રમી શક્યો નહોતો.

લેન્ગરે જો કે આઇપીએલના વખાણ કરતા કહ્યું, "મને આઇપીએલ ગમે છે, આ એવી જ છે જેવી મારા યુવાનીના દિવસોમાં કાઉંટી ક્રિકેટ હતી. કાઉંટી રમીને ક્રિકેટ કૌશલનો વિકાસ થતો હતો અને હવે આઇપીએલથી સીમિત ઓવરની રમતમાં સુધારો થાય છે, પણ આ વખતનો ટાઇમિંગ યોગ્ય નહોતો."

બન્ને ટીમોમાં કેટલા ખેલાડી ઇજાગ્રસ્ત છે જે લીગની અસર પણ હોઇ શકે છે. મને વિશ્વાસ છે કે આની સમીક્ષા કરવામાં આવશે.

હવે બહેતર રમત નહીં પણ સૌથી ફિટ હશે તે બાજી મારશે તેવી વાત થઈ ગઈ છે. જણાવવાનું કે હાલની સીરિઝમાં ભારતે મોહમ્મદ શમી, ઉમેશ યાદવ, રવિન્દ્ર જાડેજા, હનુમા વિહારી, કેએલ રાહુલ જેવા દિગ્ગજો ગુમાવ્યા છે.

મયંક અગ્રવાલ, જસપ્રીત બુમરાહ, રિષભ પંત, રવિ અશ્વિનની ફિટનેસ પર પણ પ્રશ્નો છે.  ઇશાંત શર્મા, ભુવનેશ્વર કુમાર, વરુણ ચક્રવર્તી અને રોહિત શર્મા આઇપીએલ દરમિયાન ઇજાગ્રસ્ત થયા હતા. હિટમેન શરૂઆતની બે ટેસ્ટ મેચ રમી શક્યો નહોતો અને ત્રીજી મેચથી જોડાયો હતો.