ધોની પોતાનો ગુસ્સો ક્યાં ઉતારે છે? પત્ની સાક્ષીએ છતું કર્યું રહસ્ય

ધોની પોતાનો ગુસ્સો ક્યાં ઉતારે છે? પત્ની સાક્ષીએ છતું કર્યું રહસ્ય

ધોની

કેટલાક દિવસ પહેલાં મહેન્દ્ર સિંહ ધોનીની પત્ની સાક્ષીએ એ રાઝ છતો કર્યો હતો કે તેને ધોનીના લાંબા વાળ જરાય ગમતા નહોતા. હવે સાક્ષીએ બીજો એક રાઝ ખોલતાં જણાવ્યું છે કે મેદાનમાં કૂલ દેખાતો કૅપ્ટન કૂલ મહેન્દ્ર સિંહ ધોની પોતાનો ગુસ્સો ક્યાં ઉતારે છે.
ચેન્નઈ સુપર કિંગ્સના સોશ્યલ મીડિયા પેજ પર એક વિડિયોમાં સાક્ષીએ કહ્યું કે ‘હું એકમાત્ર એવી વ્યક્તિ છું જે ધોનીને હેરાન કરી શકું છું. ઘણી વાર ધોની બીજાનો ગુસ્સો મારા પર ઉતારી દે છે, પણ મને એનો કોઈ વાંધો નથી, કેમ કે તે કદાચ એવું એટલા માટે કરે છે કે હું તેની સૌથી નજીક છું. ક્રિકેટ વિશે અમારી વચ્ચે ક્યારેય વાત નથી થતી. પપ્પાની લાડલી ઝિવા પણ ધોનીનું જ કહ્યું માને છે. હું કે તેની દાદી તેને ખાવા માટે દસ વાર બોલાવીએ તો પણ ન આવે, પણ જો તેના પપ્પા તેને એક જ વાર બોલાવે તો તે માની જાય છે.’