પહેલી વાર સીએસકેની જર્સી પહેરીને વિચિત્ર લાગ્યું હતું : હરભજન સિંહ
હરભજન સિંહ (ફાઇલ ફોટો)
હરભજન સિંહે જ્યારે પહેલી વાર ચેન્નઈ સુપર કિંગ્સની જર્સી પહેરી હતી ત્યારે તેને વિચિત્ર લાગ્યું હતું. ચેન્નઈ સુપર કિંગ્સમાં તે ૨૦૧૮માં જોડાયો હતો. એ પહેલાં તે લગભગ એક દસકા સુધી મુંબઈ ઇન્ડિયન્સ સાથે જોડાયેલો રહ્યો હતો. સીએસકેની જર્સી પહેરવાના અનુભવ વિશે વાત કરતાં હરભજને કહ્યું કે ‘પહેલી વાર તો મને ઘણું વિચિત્ર લાગ્યું હતું. આ શું છે? શું આ સપનું છે? જ્યારે પણ સીએસકેની સામે અમે રમતા હતા ત્યારે એ ગેમ ભારત-પાકિસ્તાનની મૅચ જેટલી અઘરી લાગતી હતી. મારે હવે બ્લુ નહીં, પીળી જર્સી પહેરવાની હતી અને એની સાથે તાલમેલ બેસાડતાં વાર લાગી શકે એમ હતી. સદ્નસીબે અમે પહેલી મૅચ મુંબઈ સામે જ રમ્યા. સારું હતું કે એ મૅચ જલદી પતી ગઈ હતી. પહેલું સેશન ઘણું અઘરું હતું છતાં અમે ટ્રોફી જીત્યા અને બીજું સેશન પણ સારું રહ્યું હતું.’