વર્લ્ડ ક્લાસ પ્લેયર પંત સાથે અમે ખૂબ ધીરજથી કામ કરી રહ્યા છીએ: શાસ્ત્રી
રવિ શાસ્ત્રી
રવિ શાસ્ત્રીનું કહેવું છે કે રિષભ પંત એક વર્લ્ડ ક્લાસ પ્લેયર છે અને ટીમ-મૅનેજમેન્ટ તેને પૂરતો સપોર્ટ કરશે. પંત તેની બૅટિંગ સ્ટાઇલ અને પર્ફોર્મન્સને લઈને સતત ચર્ચામાં રહ્યો છે. આ વિશે વાત કરતાં રવિ શાસ્ત્રીએ કહ્યું હતું કે ‘પંત એક અલગ જ પ્લેયર છે. તે ખૂબ ઘાતકી મૅચ-વિનર છે. વાઇટ-બૉલ ક્રિકેટમાં હું ફક્ત પાંચ પ્લેયરને લઈને નહીં ચાલી શકું. અમે પંત સાથે ખૂબ ધીરજથી કામ કરી રહ્યા છીએ. મીડિયા-રિપોર્ટ ગમે તે કહેતા હોય, ઇન્ડિયન ટીમમાં પંત ખૂબ સારી જગ્યાએ છે. પંત એક સ્પેશ્યલ બાળક છે. તેણે ઘણું પુરવાર કરી દીધું છે અને હવે તેણે ફક્ત થોડું શીખવાનું બાકી છે. આ ટીમ-મૅનેજમેન્ટ તેને સંપૂર્ણ સપોર્ટ કરશે.’
