લંકા પ્રિમીયર લીગમાં અફઘાન ખેલાડીને આફ્રિદીએ કહ્યું...
શાહિદ આફ્રિદી
ક્રિકેટના મેદાનમાં અનેકવાર બે ટીમના પ્લેયર્સ વચ્ચે બોલાચાલી થતી જોવા મળે છે. આ વખતે લંકા પ્રિમીયર લીગ (એલપીએલ)માં કેન્ડી તસ્કર્સ અને ગોલ ગ્લેડિએટર્સ વચ્ચે રમાયેલી મૅચમાં પાકિસ્તાનના ભૂતપૂર્વ કપ્તાન શાહિદ આફ્રિદી અને અફઘાનિસ્તાનના યુવા પ્લેયર નવીન-ઉલ-હક વચ્ચે બોલાચાલી થતી જોવા મળી હતી. કેન્ડી તસ્કર્સે ગોલ ગ્લેડિએટર્સને હરાવી સિઝનમાં પોતાની પહેલી જીત નોંધાવી હતી.
વાસ્તવમાં મૅચની ૧૮મી ઓવરમાં નવીનના ચોથા બૉલ પર મોહમ્મદ આમિરે ચોગ્ગો ફટકાર્યો હતો જેનાબાદ પાંચમો બૉલ ટોડ બૉલ રહ્યો હતો. આ ડોટ બૉલ બાદ નવીને આમિર આગળ જઈ બોલાચાલી કરી હતી. જોકે મૅચ પત્યા પછી ગોલ ગ્લેડિએટર્સના કૅપ્ટન શાહિદ આફ્રિદીએ નવીન સાથે વાત કરવાનું નક્કી કર્યું હતું. મૅચ પત્યા બાદ બંને ટીમના પ્લેયર્સ જ્યારે એકબીજાને મળી રહ્યાં હતા ત્યારે આફ્રિદી અને નવીન વચ્ચે પણ બોલાચાલી થઈ હતી. સંભવત: નવીનને આફ્રિદીએ કહ્યું કે ‘બેટા, તું પેદા થયો એ પહેલાંથી હું ઇન્ટરનૅશનલ ક્રિકેટમાં સેન્ચુરી ફકટારું છું.’
