રોહિત પર વીરુ ખુશ, પણ સાથીઓ પર ખફા

Published: Nov 30, 2011, 07:50 IST

કૅપ્ટને કહ્યું કે ‘અમે ૨૧૨ રનનો નાનો ટાર્ગેટ પણ આસાનીથી ન મેળવી શક્યા. ખરાબ બૅટિંગ બદલ કોઈનાં પણ બહાનાં નહીં ચલાવું. હવે પછીની મૅચોમાં આવું ન થવું જોઈએ’



કટક : વેસ્ટ ઇન્ડીઝ સામેની વાનખેડેની છેલ્લી ટેસ્ટ નાટ્યાત્મક ડ્રૉ થઈ અને ભારત જીતથી વંચિત રહી ગયું એ પછી ત્રીજા જ દિવસે ગઈ કાલે સિરીઝની પ્રથમ વન-ડેમાં પણ ટીમ ઇન્ડિયાએ માંડ માંડ જીત મેળવી હતી. બીજી વન-ડે (બપોરે ૨.૩૦) શુક્રવારે રમાશે.

ગઈ કાલના મૅન ઑફ ધ મૅચ રોહિત શર્મા (૭૨ રન, ૯૯ બૉલ, ૧ સિક્સર, ૩ ફોર) અને રવીન્દ્ર જાડેજા (૩૮ રન, ૬૨ બૉલ, ૩ ફોર) સિવાય બીજો કોઈ પણ બૅટ્સમૅન ૨૦ રનનો આંકડો પાર નહોતો કરી શક્યો. કૅપ્ટન વીરેન્દર સેહવાગે મૅચ પછી પત્રકારોને કહ્યું હતું કે ‘રોહિત સિવાય અમારામાં કોઈ જ સારું ન રમ્યું. ૨૧૨નો નાનો ટાર્ગેટ પણ મુશ્કેલીથી મેળવ્યો. આસાન જીતને અમે થિ્રલરમાં ફેરવી નાખી. ૫૯ રનમાં પાંચ વિકેટ પડી ગઈ હતી. ભારતની પિચ પર આવું ભાગ્યે જ બનતું હોય છે. હું અમારા બૅટ્સમેનોની આવી ભૂલ ફરી નહીં ચલાવું. તેમણે ભૂલ સુધારવી જ પડશે.’

છેલ્લી બે ઓવરમાં ભારતે ૯ રન બનાવવાના હતા. ૪૯મી ઓવરમાં ઉમેશ યાદવ (૬ નૉટઆઉટ) અને વરુણ ઍરોને (૬ નૉટઆઉટ) એક-એક ફોર ફટકારવા સહિત કુલ ૧૦ રન બનાવીને ભારતને રોમાંચક જીત અપાવી હતી.
Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK