વિરાટ કોહલી આ અવૉર્ડનો હકદાર હતો : સર ગૅરી સોબર્સ
સર ગૅરી સોબર્સ
સતત બીજા વર્ષે પણ ICCના વર્ષના સર્વશ્રેષ્ઠ ખેલાડી તરીકેની ગૅરી સોબર્સ ટ્રોફી જીતનાર વિરાટ કોહલીની પ્રશંસા કરવા માટે વેસ્ટ ઇન્ડિઝના મહાન ઑલરાઉન્ડર સોબર્સ પાસે વિશેષણો પણ ખૂટી પડ્યાં હતાં. સોબર્સે કહ્યું હતું કે ‘તમે તો આજે મારી સવાર સુધારી દીધી.’
આ પણ વાંચો : હાર્દિકની ગેરહાજરીમાં અમારે ત્રીજા ફાસ્ટ બોલરને રમાડવો પડે : કોહલી
ADVERTISEMENT
બાર્બાડોસમાં સવારે આઠ વાગ્યે સોબર્સને આ સમાચાર ‘મિડ-ડે’એ સવર્પ્ર થમ જણાવ્યા ત્યારે તેમણે આ પ્રકારની પ્રતિક્રિયા આપી હતી. તેમણે કહ્યું હતું કે ‘વિરાટ કોહલી શ્રેષ્ઠ ખેલાડી છે. તેની તોલે ભાગ્યે જ કોઈ ખેલાડી આવી શકે. એક કૅપ્ટન તરીકે પણ વિરાટ કોહલી ભારે બુદ્ધિમાન છે. ICCના વર્ષના શ્રેષ્ઠ ખેલાડી તરીકેનો આ અવૉર્ડ મેળવવાનો તે સૌથી વધારે હકદાર હતો. એક માનવી તરીકે પણ વિરાટ ભારે ઉમદા વ્યક્તિત્વ ધરાવે છે. ભારતીય ટીમ અહીં વેસ્ટ ઇન્ડીઝના પ્રવાસે આવી હતી ત્યારે હું તેને એક અથવા બે વખત ત્રિનિદાદ અને બાર્બાડોસમાં મળી ચૂક્યો છું.’