રોહિતના સ્કોર-રેટને વિરાટ કોહલી પણ નહીં પહોંચી શકે : સેહવાગ

Published: Nov 09, 2019, 11:05 IST | Mumbai

બાંગ્લાદેશ સામે રમાયેલી બીજી ટી૨૦ મૅચમાં કૅપ્ટન રોહિત શર્માની ધમાકેદાર ઇનિંગની વીરેન્દર સેહવાગે વાહવાહી કરી છે. ૪૩ બૉલમાં ૮૫ રનની પારી રહી હતી, જેમાં છ છગ્ગા અને છ ચોગ્ગા સામેલ હતા.

વિરેન્દ્ર સહેવાગ
વિરેન્દ્ર સહેવાગ

(આઇ.એ.એન.એસ.) રાજકોટમાં બાંગ્લાદેશ સામે રમાયેલી બીજી ટી૨૦ મૅચમાં કૅપ્ટન રોહિત શર્માની ધમાકેદાર ઇનિંગની વીરેન્દર સેહવાગે વાહવાહી કરી છે. ૪૩ બૉલમાં ૮૫ રનની પારી રહી હતી, જેમાં છ છગ્ગા અને છ ચોગ્ગા સામેલ હતા. તેણે ૧૯૭.૬૭ના સ્ટ્રાઇક-રેટની બૅટિંગ કરી હતી. આ વિશે વાત કરતાં સેહવાગે કહ્યું હતું કે ‘એક ઓવરમાં ૩-૪ સિક્સર મારવી અથવા ૪૫ બૉલમાં ૮૦-૯૦ રન બનાવવા એ એક કળા છે. રોહિત જેટલી રેગ્યુલર રીતે બૅટિંગ કરે છે એવું તો મેં અત્યાર સુધી વિરાટ કોહલીને પણ બૅટિંગ કરતા નથી જોયો. સચિન હંમેશાં બીજાને કહેતો કે જો હું આ પ્રમાણે રમી શકું છું તો તમે કેમ નહીં? પણ તે એ નહોતો સમજતો કે ભગવાન એક જ હોય અને તેના જેવું કોઈ બની પણ ન શકે.’ પોતાના કરીઅરની ૧૦૦મી ટી૨૦ મૅચ રમતા સિક્સર-કિંગે દસમી ઓવરમાં ત્રણ બૉલમાં ત્રણ સિક્સર મારીને હૅટ-ટ્રિક કરી હતી.

આ પણ જુઓ : જયદેવ ઉનડકટઃ આ ગુજરાતી ખેલાડીએ વસીમ અકરમ પાસેથી શીખી છે બૉલિંગ

ટી૨૦ ચેઝ કરવામાં ભારત નંબર-વન
ભારતીય ક્રિકેટ ટીમે બંગલા દેશ સામેની બીજી ટી૨૦ મૅચ જીતીને એક અનોખો રેકૉર્ડ પોતાના નામે કરીને ઑસ્ટ્રેલિયાની ટીમને માત આપી છે. સૌથી વધારે ટી૨૦ મૅચ ચેઝ કરવામાં ભારત નંબર-વન બન્યું છે. રેકૉર્ડ પ્રમાણે ભારતે ટી૨૦માં ચેઝ કરેલી ૬૧ મૅચમાંથી ૪૧ મૅચ પોતાના નામે કરી છે. આ કારણસર ઑસ્ટ્રેલિયા બીજા ક્રમાંકે પહોંચી ગયું છે. ઑસ્ટ્રેલિયા ૬૯ મૅચમાં ચેઝ કરીને ૪૦ મૅચ જીતવાનો રેકૉર્ડ ધરાવે છે. આ સાથે જ પાકિસ્તાન ૬૭ મૅચ ચેઝ કરીને ૩૬ મૅચ પોતાના નામે કરી ચૂકી છે. આ યાદીમાં પાકિસ્તાન ત્રીજા ક્રમાંકે છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK