ઇન્સ્ટાગ્રામ પર સૌથી વધુ ફૉલોઅર્સ ધરાવતો ઇન્ડિયન બન્યો કોહલી
વિરાટ કોહલી
ક્રિકેટના મેદાન પર અનેક રેકૉર્ડ બનાવતા વિરાટ કોહલીએ હાલમાં સોશ્યલ મીડિયા પર પણ એક રેકૉર્ડ કર્યો છે. વિરાટ કોહલીના ઇન્સ્ટાગ્રામ પરના ફૉલોઅર્સની સંખ્યા પાંચ કરોડ સુધી પહોંચી ગઈ છે અને આટલા ફૉલોઅર્સ ધરાવતો તે પહેલો ભારતીય બન્યો છે. કોહલી બાદ ઍક્ટ્રેસ પ્રિયંકા ચોપડા જોનસ ૪.૯૯ કરોડ ફૉલોઅર્સ સાથે બીજા સ્થાને, દીપિકા પાદુકોણ ૪.૪૧ કરોડ ફૉલોઅર્સ સાથે ભારતમાં ત્રીજા સ્થાને છે. કોહલીએ અત્યાર સુધી ઇન્સ્ટાગ્રામ પર કુલ ૯૩૦ પોસ્ટ કરી છે અને તે ૪૮૦ લોકોને ફૉલો કરે છે. વડા પ્રધાન નરેન્દ્ર મોદીના કુલ ૩.૪૫ કરોડ ફૉલોઅર્સ ઇન્સ્ટાગ્રામ પર છે.
પોર્ટુગલનો દિગ્ગજ ફુટબૉલર ક્રિસ્ટિયાનો રોનાલ્ડોના ૨૦ કરોડ ફૉલોઅર્સ સાથે વર્લ્ડમાં નંબર-વન છે.