વાગડની T20માં આજે બે સેમી ફાઇનલિસ્ટ નક્કી થશે

Published: 13th December, 2012 05:37 IST

શ્રી વાગડ કલા કેન્દ્ર દ્વારા આયોજિત T20 લીગ મૅચ ક્રિકેટ ટુર્નામેન્ટના સેકન્ડ ક્વૉલિફાઇંગ રાઉન્ડના હવે બે દિવસ બાકી છે. આજે બે સેમી ફાઇનલિસ્ટ ટીમ નક્કી થઈ જશે.



સાંતાક્રુઝ (ઈસ્ટ)ના ઇન્ડિયન ઍરલાઇન્સ ગ્રાઉન્ડમાં રમાતી આ ટુર્નામેન્ટમાં ગઈ કાલે બેમાંથી પ્રથમ મૅચ રસાકસીભરી બની હતી. બોરીવલી ચૅલેન્જર્સ સામેના એ મુકાબલામાં આકૃતિ-પાર્લેએ છેલ્લા બૉલમાં વિજય મેળવ્યો હતો. આકૃતિ-પાર્લેએ ૨૦ ઓવરમાં ૯ વિકેટે ૧૦૯ રન બનાવ્યા બાદ બોરીવલી ચૅલેન્જર્સની ટીમ ખાસ કરીને કૅપ્ટન ભાવિન નિસર (૪૨ રન, ૩૬ બૉલ, ૪ ફોર)ની ઇનિંગ્સથી જીતની દિશામાં આગળ વધી રહી હતી. છેલ્લી ઓવરમાં આ ટીમે જીતવા માટે ૮ રન બનાવવાના હતા, પરંતુ એ ઓવરમાં નિસરની વિકેટ પડતાં બાજી બોરીવલી ચૅલેન્જર્સના હાથમાંથી સરી પડી હતી અને આ ટીમનો ચાર રનથી પરાજય થયો હતો.

કઈ ટીમ કેવી રીતે જીતી?

આકૃતિ-પાર્લે (૨૦ ઓવરમાં ૧૦૯/૯)નો બોરીવલી ચૅલેન્જર્સ (૨૦ ઓવરમાં ૧૦૫/૮) સામે ૪ રનથી વિજય.

મૅન ઑફ ધ મૅચ : બોરીવલી ચૅલેન્જર્સનો જિતેન્દ્ર ગાલા (બે વિકેટ, ત્રણ કૅચ અને ૧૦ રન)

વી. એસ. સી. કાલબાદેવી (૨૦ ઓવરમાં ૧૫૮/૬)ની ટીમ ઘાટકોપર (૨૦ ઓવરમાં ૧૦૧/૬) સામે ૫૭ રનથી જીત.

મૅન ઑફ ધ મૅચ : વી. એસ. સી. કાલબાદેવીનો કુણાલ ગડા (૪૧ બૉલમાં પાંચ ફોર સાથે ૪૮ રન અને એક કૅચ)

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK