વાગડવાસીઓની T20ના બીજા રાઉન્ડમાં આવિષ્કાર-અંધેરીનો સતત બીજો વિજય

Published: 12th December, 2012 06:32 IST

શ્રી વાગડ કલા કેન્દ્ર દ્વારા આયોજિત T20 લીગ મૅચ ક્રિકેટ ટુર્નામેન્ટમાં ગઈ કાલે સેકન્ડ ક્વૉલિફાઇંગ રાઉન્ડમાં આવિષ્કાર-અંધેરીએ સતત બીજી જીત મેળવી હતી. એણે ચર્ની રોડ સી. સી.ની ટીમને ૭ વિકેટે પરાજિત કરી હતી. આ જીતમાં બૅટ્સમૅન-વિકેટકીપર ધર્મેશ છેડાની સૌથી મહત્વની ભૂમિકા હતી, પરંતુ બોલરો વિશાલ કારિયા (૩૧ રનમાં ત્રણ), હશુર્લ નંદુ (૧૫ રનમાં બે) અને મયૂર ગાલા (૭ રનમાં બે)ના પણ મોટા યોગદાનો હતા.



સાંતાક્રુઝ (ઈસ્ટ)ના ઇન્ડિયન ઍરલાઇન્સ ગ્રાઉન્ડમાં રમાતી આ ટુર્નામેન્ટના બીજા મુકાબલામાં ચેઇન ગ્રુપ-થાણેની જીતમાં મૅન ઑફ ધ મૅચ ચિરાગ નિસર ઉપરાંત બોલરો ભાવિન ગિંદરા (૪-૧-૧૩-૨) તથા નિકેત શાહ (૩-૦-૧૩-૨) તેમ જ બૅટ્સમૅન રજત સત્રા (૩૪ રન, ૨૮ બૉલ, એક સિક્સર, બે ફોર)નો પણ મોટો ફાળો હતો.

કઈ ટીમ કેવી રીતે જીતી?

ચર્ની રોડ સી. સી. (૨૦ ઓવરમાં ૧૦૧/૮) સામે આવિષ્કાર-અંધેરી (૧૩.૫ ઓવરમાં ૧૦૨/૩)નો ૭ વિકેટે વિજય.

મૅન ઑફ ધ મૅચ : આવિષ્કાર-અંધેરીનો ધર્મેશ છેડા (બે સ્ટમ્પ્ડ-આઉટ અને ૩૧ બૉલમાં પાંચ ફોર સાથે ૩૬ રન)

સ્વસ્તિક સી. સી.-કાલિના (૨૦ ઓવરમાં ૮૫/૯) સામે ચેઇન ગ્રુપ-થાણે (૧૫ ઓવરમાં ૮૯/૨)ની ૮ વિકેટે જીત.

મૅન ઑફ ધ મૅચ : ચેઇન ગ્રુપ-થાણેનો ચિરાગ નિસર (૧ વિકેટ, ૧ રનઆઉટ અને ૩૭ બૉલમાં ત્રણ ફોર સાથે ૨૯ રન)

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK