અન્ડર-19 એશિયા કપમાં ભારતે પાકિસ્તાનને 60 રને હરાવ્યું
ભારત અને પાકિસ્તાન
પ્લેયર ઑફ ધ મૅચ અર્જુન આઝાદના ૧૨૧ અને તિલક વર્માના ૧૧૦ રનની મદદથી અન્ડર-૧૯ એશિયા કપની ગ્રુપ-મૅચમાં ભારતે પાકિસ્તાનને ૬૦ રનથી હરાવ્યું છે. મોરાટુવાના ટાયરન ફર્નાન્ડો સ્ટેડિયમમાં રમાયેલી ગ્રુપ-‘એ’ની મૅચમાં કૅપ્ટન ધ્રુવ જુરેલે ટૉસ જીતીને પહેલાં બૅટિંગ કરવાનો નિર્ણય લીધો હતો. ભારતે ૫૦ ઓવરમાં ૯ વિકેટે ૩૦૫ રન બનાવ્યા હતા. ૩૦૬ના ટાર્ગેટ સામે કટ્ટર હરીફ પાકિસ્તાને ૧૦.૫ ઓવરમાં ૫૩ રનમાં ૩ વિકેટ ગુમાવી દીધી હતી. ત્યાર બાદ કૅપ્ટન રોહેલ નઝીર (૧૧૭) અને મોહમ્મદ હેરિસ (૪૩) વચ્ચે ૧૨૦ રનની કીમતી પાર્ટનરશિપ થઈ હતી.
આ પણ વાંચો : ત્રીજા દિવસે અફઘાનિસ્તાને લીધી 374 રનની તોતિંગ લીડ
ADVERTISEMENT
જોકે ૪૧મી ઓવરમાં રોહેલ આઉટ થતાં સમગ્ર ટીમ ૪૬.૪ ઓવરમાં ૨૪૫ રનમાં ઑલઆઉટ થઈ ગઈ હતી. ભારતની યુથ ટીમનો ૬૦ રને વિજય થયો હતો. ગ્રુપ-‘એ’ની વધુ એક મૅચમાં અફઘાનિસ્તાને કુવૈતને ૭ વિકેટે કચડી નાખ્યું હતું.