2023ની ક્વૉલિફાઇંગ સિરીઝ આઇસીસીએ મોકૂફ રાખી

Published: Jun 12, 2020, 13:32 IST | Agencies | Dubai

ઇન્ટરનૅશનલ ક્રિકેટ કાઉન્સિલ (આઇસીસી)એ તાજેતરમાં જાહેર કર્યું છે કે કોરોના વાઇરસને કારણે મેન્સ વર્લ્ડ કપ લીગ-2 અને બીજી મેન્સ વર્લ્ડ કપ ચૅલેન્જ લીગ-બી પોસ્ટપોન કરવામાં આવી છે.

ભારતીય પ્લેયર
ભારતીય પ્લેયર

ઇન્ટરનૅશનલ ક્રિકેટ કાઉન્સિલ (આઇસીસી)એ તાજેતરમાં જાહેર કર્યું છે કે કોરોના વાઇરસને કારણે મેન્સ વર્લ્ડ કપ લીગ-2 અને બીજી મેન્સ વર્લ્ડ કપ ચૅલેન્જ લીગ-બી પોસ્ટપોન કરવામાં આવી છે. મેન્સ વર્લ્ડ કપ લીગ-2 સ્કૉટલૅન્ડમાં ૪થી ૧૧ જુલાઈ દરમ્યાન રમાવાની હતી, જેમાં નેપાલ અને નામિબિયામાં પણ ૬ વન-ડે રમાવાની હતી. મેન્સ વર્લ્ડ કપ ચૅલેન્જ લીગ-બી યુગાન્ડામાં ૩થી ૧૩ ઑગસ્ટ દરમ્યાન યોજાવાની હતી, જેમાં કુલ ૧૫ મૅચ શેડ્યુલ કરવામાં આવી હતી. દરેક સભ્યો સાથે અને તેમની સરકાર અને સ્વાસ્થ્ય મંત્રાલય સાથે ચર્ચા કર્યા બાદ આઇસીસીએ આ બન્ને સિરીઝ મોકૂફ રાખવાનો નિર્ણય લીધો છે. પોતાના નિવેદનમાં આઇસીસીએ કહ્યું કે ‘વિશ્વભરમાં પર્યટન માટેના પ્રતિબંધને ધ્યાનમાં રાખીને અને સરકાર તેમ જ સ્વાસ્થ્ય અધિકારીઓ સાથે ચર્ચા કર્યા બાદ અમે નક્કી કર્યું છે કે ૨૦૨૩ના પુરુષોના ક્રિકેટ વર્લ્ડ કપ માટેની આ ક્વૉલિફાઇંગ સિરીઝને હાલ પૂરતી મોકૂફ રાખવામાં આવે. અમે હવે હોસ્ટ અને અન્ય સભ્ય દેશો સાથે વાતચીત કરીને વચલો માર્ગ કાઢવાનો પ્રયાસ કરી રહ્યા છીએ; જેમાં પ્લેયરો, કોચ, કર્મચારીઓ અને ચાહકોની સુરક્ષાને પ્રથમ પ્રાયોરિટી આપવામાં આવી છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK