એક સમય હતો જ્યારે એવું લાગતું કે આ વર્ષે એક પણ મૅચ નહીં રમાય : પોપ
ઓલી પોપ
ઇંગ્લૅન્ડના બૅટ્સમૅન ઓલી પોપનું કહેવું છે કે એક સમય એવો હતો જ્યારે મને લાગતું હતું કે આ વર્ષે એક પણ મૅચ નહીં રમાય. કોરોના વાઇરસને કારણે માર્ચથી તમામ સ્પોર્ટ્સ ઇવેન્ટ પર રોક લાગી ગઈ હતી. જોકે ધીમે-ધીમે એ રમવાનું શરૂ થઈ રહ્યું છે. લૉકડાઉન બાદ આઠમી જુલાઈએ પહેલી ઇન્ટરનૅશનલ ક્રિકેટ મૅચ રમાવાની છે. આ વિશે ઓલી પોપે કહ્યું હતું કે ‘એક સમય હતો જ્યારે મને લાગતું હતું કે આ વર્ષે એક પણ મૅચ રમાશે નહીં. મને લાગે છે કે દરેકના મગજમાં આ વિચાર આવ્યો જ હશે.
આ પણ વાંચો: WI સામેની ટેસ્ટમાં રમવાનું ઍન્ડરસન અને બ્રૉડ બન્ને ડિઝર્વ કરે છે: નાસીર હુસેન
ADVERTISEMENT
અમે ઇંગ્લૅન્ડની ટીમ સાથે ઝૂમ કૉલ કરી રહ્યા હતા ત્યારે ભવિષ્યના પ્લાન વિશે વાત કરવામાં આવી હતી, પરંતુ કેટલાક પ્લેયર સાથે અમે અંગત વાત કરી ત્યારે અમને એ શક્ય નહોતું લાગ્યું. અમને નહોતી ખબર કે એ ખોટી આશા આપવામાં આવી રહી છે કે પછી અમને એવો ડાઉટ છે. અહીં આવીને રમવા માટે વેસ્ટ ઇન્ડીઝ તૈયાર થયું એ માટે અમે બધા તેમના આભારી છીએ. તેઓ ક્રિકેટ રમવા માગતા હતા, પરંતુ તેઓ એવી જગ્યાએ આવી રહ્યા છે જ્યાં તેમના ઘર કરતાં કોરોનાની સ્થિતિ વધુ ખરાબ છે.’