સ્મિથને બૉલ વાગતાં ધબકારા બંધ થઈ ગયા હતા આર્ચરના
જોફ્રા આર્ચર
ઍશિઝ સિરીઝની બીજી મૅચના ચોથા દિવસે ઑસ્ટ્રેલિયન પ્લેયર સ્ટીવ સ્મિથને બૉલ વાગતાં ઇંગ્લૅન્ડના જોફ્રા આર્ચરના ધબકારા જાણે બંધ થઈ ગયા હતા. ઇંગ્લૅન્ડ વતી ડેબ્યુ કરી રહેલા જોફ્રા આર્ચરના બાઉન્સરને કારણે તેને ઈજા થઈ હતી. જોકે તે સ્મિથ પાસે ન જતાં હસી રહ્યો હોવાના ફોટો વાઇરલ થતાં સોશ્યલ મીડિયા તેના પર ગુસ્સે થયું હતું.
ADVERTISEMENT
આ અંગે પોતાના મનની વાત જણાવતાં આર્ચરે સ્પષ્ટતા કરતાં કહ્યું હતું કે ‘તેને બૉલ વાગે એવો કોઈ પ્લાન નહોતો. તમે માત્ર વિકેટ લેવાનો પ્રયત્ન કરો છો. તે જ્યારે નીચે પડ્યો ત્યારે બધા ઊભા રહી ગયા હતા અને બધાના ધબકારા એક સમય માટે જાણે અટકી ગયા હતા. જોકે જેવો તે ઊભો થયો અને ચાલતો થયો ત્યારે અમારા જીવમાં જીવ આવ્યો.
કોઈ પણ એવું નથી ઇચ્છતું કે પ્લેયર સ્ટ્રૅચર પર મેદાનમાંથી બહાર જાય. મારા માટે મૅચ સારી હતી પણ એનો અંત આ રીતે થશે એવું નહોતું ધાર્યું.’
