સચિન ખરાબ ફૉર્મમાં, પણ નિવૃત્તિના નિર્ણયનો હક તેને જ : ગાંગુલી

Published: 27th November, 2012 06:23 IST

સિલેક્ટરોએ સચિન તેન્ડુલકર સાથે બેસીને તેણે કરીઅરના ભવિષ્ય વિશે શું વિચાર્યું છે અને શું વિચારવા માગે છે એના પર તેની સાથે ચર્ચા કરી લેવી જોઈએ એવું સુનીલ ગાવસકરે રવિવારે સચિનની ઑર એક ફ્લૉપ ઇનિંગ્સ પછી કહ્યું એના પ્રત્યાઘાતમાં ગઈ કાલે સૌરવ ગાંગુલીએ તેમનાથી વિપરીત મંતવ્ય આપ્યું હતું.



માસ્ટર બ્લાસ્ટરને બેનિફિટ ઑફ ડાઉટ આપવાના ઉદેશ સાથે ગાંગુલીએ કહ્યું હતું કે ‘સચિનનું ફૉર્મ અત્યારે અત્યંત ખરાબ હાલતમાં છે. તે તેના સિવાય ટીમના બીજા બધા બૅટ્સમેનો ફૉર્મમાં છે. જોકે મને લાગે છે કે સિલેક્ટરો કે ક્રિકેટ બોર્ડમાંથી કોઈ વ્યક્તિ સચિન સાથે બેસીને તેની કરીઅરના ભાવિ વિશે ચર્ચા નહીં કરે. માત્ર સચિનને જ પોતાની કારકિર્દી વિશે નિર્ણય લેવાનો અધિકાર છે. તે મહાન બૅટ્સમૅન છે અને કોઈ પણ પ્લેયર મોટી ઉંમરનો થાય ત્યારે તેનામાં પચીસ વર્ષના ખેલાડી જેવી ક્ષમતા તો ન જ હોય, પરંતુ તે કાબેલિયતની બાબતમાં બીજી કુશળતાઓથી સરભર કરી લેતો હોય છે. આપણે આશા રાખીએ કે સચિન છેલ્લી બે ટેસ્ટમાં પાછો ફૉર્મમાં આવી જાય.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK