મુંબઈ મૅરથૉન 30 મેએ
મુંબઈ મૅરથૉન
તાતા મુંબઈ મૅરથૉનના પ્રમોટર્સ પ્રોકેમ ઇન્ટરનૅશનલે આ મૅરથૉનની ૨૦૨૧ની એડિશન તારીખ જાહેર કરી હતી. મુંબઈ અને વિશ્વભરમાં ખ્યાતિ ધરાવતી મુંબઈ મૅરથૉન આ વર્ષે ૩૦ મેએ યોજાશે.
આયોજકોએ જણાવ્યું કે ‘રાજ્ય અને નાગરિક અધિકારીઓ તથા ભારતીય તથા આંતરરાષ્ટ્રીય ઍથ્લિટ સંસ્થાઓ સાથે ચર્ચા કર્યા બાદ અમે આ નિર્ણય લીધો છે. વર્તમાન સરકારી પ્રોટોકોલને ધ્યાનમાં રાખી પ્રોકેમ ઇન્ટરનૅશનલ ઑન-ગ્રાઉન્ડ ઇવેન્ટ, ફુલ મૅરથૉનમાં મર્યાદિત સ્પર્ધકો, હાફ મૅરથૉન અને ૧૦ કિલોમીટરના રનનું આયોજન કરશે.’
ADVERTISEMENT
આ વખતે મર્યાદિત સંખ્યામાં ભારત અને વિશ્વભરના લોકો ટીએમએમ ૨૦૨૧ ઍપ્લિકેશન દ્વારા ભાગ લઈ શકશે. જોકે આયોજકો નજીકના સમયમાં રેસનું ફૉર્મેટ, રજિસ્ટ્રેશન માટેની માહિતી, સુરક્ષાનાં સાધનો, પ્રોટોકોલ અને પ્રતિસ્પર્ધીઓ માટેની જરૂરી માહિતી જાહેર કરશે.