ગાવસકર-શાસ્ત્રી BCCI પાસેથી ધોની કરતાંય વધુ પૈસા ખંખેરે છે

Published: 14th October, 2014 03:12 IST

ટીમ ઇન્ડિયાનો કૅપ્ટન મહેન્દ્ર સિંહ ધોની ભલે વિશ્વના સૌથી કીમતી ઍથ્લી બ્રૅન્ડની યાદીમાં આવનાર એકમાત્ર ભારતીય ખેલાડી હોય, પરંતુ તેના કરતાં ઘણા સિનિયર રવિ શાસ્ત્રી તથા સુનીલ ગાવસકર ભારતીય ક્રિકેટ બોર્ડ તરફથી ધોની કરતાં પણ વધુ કમાય છે. ક્રિકેટ બોર્ડ તરફથી મળતી રકમના મામલે ધોની તથા વિરાટ કોહલી ઘણા પાછળ છે.




રવિ શાસ્ત્રી તથા સુનીલ ગાવસકરને ક્રિકેટ બોર્ડ વર્ષે છ કરોડ રૂપિયા આપે છે. બન્નેના ક્રિકેટ બોર્ડ સાથે કૉમેન્ટરીના કૉન્ટ્રૅક્ટ છે, જેના થકી તેમને ચાર-ચાર કરોડ રૂપિયા મળતા હોય છે. વળી રવિ શાસ્ત્રીને તાજેતરમાં જ ટીમ ઇન્ડિયાનો ડિરેક્ટર બનાવવામાં આવ્યો છે, જેના થકી તેને વર્ષે બે કરોડ રૂપિયા આપવામાં આવશે. આમ તેની રકમનો સરવાળો છ કરોડ રૂપિયા થાય છે. બીજી તરફ સુનીલ ગાવસકરને ઇન્ડિયન પ્રીમિયર લીગના ચૅરમૅન તરીકે વધારાનો ચાર્જ સોંપવામાં આવ્યો છે, જેના માટે તેમને વર્ષે બે કરોડ રૂપિયા આપવામાં આવે છે. આમ તેમની કમાણી પણ વર્ષે છ કરોડ રૂપિયા છે.

મહેન્દ્ર સિંહ ધોનીએ છેલ્લા ૧૨ મહિનામાં ૩૫ મૅચો રમી છે જેના થકી ક્રિકેટ બોર્ડ પાસેથી તેણે ૨.૫૯ કરોડ રૂપિયાની કમાણી કરી છે. વળી વિરાટ કોહલીને ૩૯ મૅચ માટે ૨.૭૫ કરોડ રૂપિયા મળ્યા હતા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK