શ્રીલંકા ૩ મેઘરાજા ૨ ન્યુ ઝીલૅન્ડ ૦

Published: 14th November, 2012 05:15 IST

શ્રીલંકનોએ જીતેલી પાંચ મૅચની સિરીઝમાં કિવીઓ વિજય વિનાના



હમ્બનટોટા: શ્રીલંકાએ પાંચ મૅચવાળી વન-ડે સિરીઝમાં શનિવારની ચોથી મૅચ જીતીને સિરીઝ ૩-૦થી કબજામાં કરી લીધી ત્યાર પછી સોમવારે ન્યુ ઝીલૅન્ડને આખરી મૅચ જીતીને થોડી આબરૂ બચાવવાનો મોકો મળ્યો હતો, પરંતુ એ મોકો મેઘરાજાએ છીનવી લીધો હતો.

શ્રીલંકાએ ૨૮.૩ ઓવરમાં ૧૨૩મા રને આઠમી વિકેટ ગુમાવી ત્યારે વરસાદ પડવાની શરૂઆત થઈ હતી અને પછી એ ન અટકતાં બાકીની મૅચ રમાઈ જ નહોતી અને રદ જાહેર થઈ હતી. એ સાથે શ્રીલંકાને ૩-૦થી વિજેતા જાહેર કરવામાં આવ્યું હતું. સિરીઝમાં કુલ બે મૅચ મેઘરાજાના વારંવારના વિઘ્નોને કારણે રદ થઈ હતી.

સિરીઝમાં સૌથી વધુ ૧૬૬ રન બનાવનાર શ્રીલંકન બૅટ્સમૅન બ્રૅડ્લી-જૉન વૉટલિંગને મૅન ઑફ ધ સિરીઝનો અવૉર્ડ આપવામાં આવ્યો હતો. સિરીઝમાં જીવન મેન્ડિસ અને ટિમ સાઉધીએ સૌથી વધુ પાંચ-પાંચ વિકેટ લીધી હતી. હવે બન્ને દેશો વચ્ચે શનિવારે બે મૅચની ટેસ્ટસિરીઝ શરૂ થશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK