બીજી ટેસ્ટમાં વરસાદનું વિઘ્ન, પાકિસ્તાન 3 વિકેટે 145 રન
બાબર આઝમ
ગઈ કાલે રાવલપિંડીમાં સાઉથ આફ્રિકા સામે શરૂ થયેલી બીજી ટેસ્ટમાં વરસાદે ૩૨ ઓવરની રમત ધોઈ નાખી હતી. પાકિસ્તાનના કૅપ્ટન બાબર આઝમે ટૉસ જીતીને પહેલાં બૅટિંગ કરતાં ૨૨ રનમાં ૩ વિકેટ સાથે ખૂબ ખરાબ શરૂઆત કરી હતી. ઇમરાન બટ (૧૫), આબિદ અલી (૬) અને અઝહર અલી (ઝીરો) સસ્તામાં આઉટ થયા બાદ કૅપ્ટન બાબર આઝમ (અણનમ ૭૭) અને જૂના જોગી ફવાદ આલમે (અણનમ ૪૨ રન) ચોથી વિકેટ માટે અણનમ ૧૨૩ રનની પાર્ટનર સાથે ટીમની વહારે આવ્યા હતા. સાઉથ આફ્રિકા વતી કેશવ મહારાજે બે અને ઍનરિચ નોકિયાએ એક વિકેટ લીધી હતી. દિવસ દરમ્યાન રમાયેલી કુલ ૫૮ ઓવરમાંથી કેશવ મહારાજે ૨૫ ઓવર કરી હતી.