રોમાનિયામાં કોરોના સામે લડવાનાં સાધનો ડોનેટ કરશે સિમોના હૅલેપ
સિમોના હૅલેપ
ટેનિસની વિમ્બલ્ડન વિજેતા રોમાનિયાની સિમોના હૅલેપે તેના દેશમાં કોરોના વાઇરસ સામે લડવા માટેનાં સાધનો ડોનેટ કરવાનો નિર્ણય લીધો છે. આ વિશે ટ્વીટ કરતાં હૅલેપે કહ્યું, ‘આ કપરા સમયમાં આપણી મેડિકલ ટીમે દેખાડેલી બહાદુરી બદલ અમને ગર્વ છે. મારા દેશની સેવા કરવા માટે હું કટિબદ્ધ છું અને એ માટે મેં કોરોના વાઇરસ સામે લડવા માટેનાં સાધનો ડોનેટ કરવાનો નિર્ણય લીધો છે. આપણી અને આપણી આસપાસના લોકોના જીવનપ્રત્યે આપણે કેટલા જવાબદાર અને સપોર્ટિંવ છીએ એ બતાડવાનો આ સારો સમય છે. આપણે જ્યારે ઘરે હોઈએ છીએ ત્યારે આ ડૉક્ટરો અને મેડિકલ ટીમ પોતાના જીવના જોખમે લોકોનો જીવ બચાવવા મહેનત કરતા હોય છે. આ પરિસ્થિતિમાં જરૂરી સાધનો અને મટીરિયલ ખરીદવા માટે મેં કેટલાક રૂપિયા ડોનેટ કરવાનો નિર્ણય લીધો છે. મારો દરેકને અનુરોધ છે કે આ કપરી પરિસ્થિતિમાં લડવા માટે આગળ આવી પોતાનું યોગદાન આપે.’
સિમોના ઉપરાંત બિનાકા એન્ડ્રુસ્યુકુ અને કેટી મેકનેલીએ પણ પોતપોતાના ટેનિસ રૅકેટ સાઇન કરીને ‘ઍથ્લીટ ફૉર રિલીફ’ હેઠળ ડોનેટ કર્યા છે.
