ઑસ્ટ્રેલિયાની બેગી ગ્રીન કૅપના ઑબ્સેશનની ઝાટકણી કાઢતાં શેન વૉર્ને કહ્યું...

Published: May 12, 2020, 13:26 IST | Agencies | Melbourne

દેશ માટે રમવું કૅપ પૂરતું મર્યાદિત નથી

શેન વૉર્ન
શેન વૉર્ન

ઑસ્ટ્રેલિયાની ટીમમાં બેગી ગ્રીન કૅપને લઈને ખૂબ જ ઑબ્સેશન છે જેની શેન વૉર્ને ટીકા કરી છે. ટેસ્ટ મૅચમાં અત્યાર સુધીમાં સૌથી વધુ વિકેટ લેનાર બોલર્સમાં શેન વૉર્ન બીજા ક્રમે છે. દેશ માટે રમવું એ કૅપ પૂરતું મર્યાદિત નથી એ વિશે વધુ જણાવતાં શેન વૉર્ને કહ્યું હતું કે ‘મારું માનવું છે કે ક્રેકિટ ઑસ્ટ્રેલિયા માટે રમવું તમને કેટલું પસંદ છે એ જણાવવા માટે તમારી પાસે બેગી ગ્રીન કૅપ હોવી જરૂરી નથી. મને ઑસ્ટ્રેલિયા માટે ક્રિકેટ રમવાનું પસંદ છે અને એ માટે મને કોઈ કૅપની જરૂર નથી અથવા તો એ વિશે લોકોને જણાવવાની પણ જરૂર નથી. ઑસ્ટ્રેલિયા માટે ક્રિકેટ રમવામાં મેં એન્જૉય કર્યું હતું. હું વાઇટ કૅપ પહેરું કે બેગી ગ્રીન કૅપ પહેરું, ક્રિકેટ માટે મારો પ્રેમ હંમેશાં એટલો જ રહેશે.’

૨૦૦૧માં વિમ્બલ્ડન જોવા જતી વખતે શેર્ન વૉર્નને તેમની ટીમ દ્વારા બેગી ગ્રીન કૅપ પહેરવાનું કહેવામાં આવ્યું હતું. આ વિશે શેન વૉર્ને કહ્યું હતું કે ‘વિમ્બલ્ડનમાં એ કૅપ પહેરવી જરૂરી નહોતી અને જે લોકોએ પહેરી હતી એ ખૂબ જ વિચિત્ર હતું. મેં અને માર્ક વૉએ કૅપ પહેરવાની ના પાડી હતી અને કેટલાક પ્લેયર્સે પહેરી હતી. વિમ્બલ્ડનમાં બેગી ગ્રીન કૅપ પહેરીને બેસવું ખૂબ જ શરમજનક હતું.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK