બંગલા દેશને મોટો ઝટકો: કૅપ્ટન શાકિબ-અલ-હસન પર થશે કાનૂની કાર્યવાહી
કૅપ્ટન શાકિબ-અલ-હસન
ભારતના પ્રવાસ પહેલાં બંગલા દેશના ક્રિકેટરોની હડતાળ ખતમ થઈ ગઈ છે. આ હડતાળ વચ્ચે બંગલા દેશ ક્રિકેટ બોર્ડે ટીમના કૅપ્ટન શાકિબ-અલ-હસનને શો-કૉઝ નોટિસ મોકલી છે. વાસ્તવમાં શાકિબે નિયમોનું પાલન ન કરતાં એક ટેલિકૉમ કંપની સાથે કરાર કર્યો હતો જેના સંદર્ભે તેને નોટિસ મોકલવામાં આવી છે.
બંગલા દેશની ગ્રામીનફોન ટેલિકૉમ કંપનીના બ્રૅન્ડ-ઍમ્બૅસૅડર બનવા શાકિબે કરાર કર્યો હતો જેની સૂચના તેણે બોર્ડને આપી નહોતી. એવામાં બોર્ડના અધ્યક્ષ નઝમુલ હસને તેને કારણ દર્શક નોટિસ જાહેર કરતાં કહ્યું કે જો આ મામલામાં શાકિબ સંતોષકારક જવાબ નહીં આપી શકે તો તેની સામે કડક કાર્યવાહી થશે.
ADVERTISEMENT
આ પણ વાંચો : સ્પોર્ટ્સને કારણે જીવનમાં ઘણા સારા લોકો મળ્યા : વિરાટ કોહલી
સામા પક્ષે ટેલિકૉમ કંપની ગ્રામીનફોને ૨૨ ઑક્ટોબરે ઘોષણા કરી હતી કે દેશના મુખ્ય ક્રિકેટર શાકિબ-અલ-હસન અમારો બ્રૅન્ડ-ઍમ્બૅસૅડર હશે. બંગલા દેશ ક્રિકેટ બોર્ડના નિયમ મુજબ જ્યારે બંગલા દેશનો કોઈ પણ પ્લેયર બોર્ડ સાથે ઍગ્રીમેન્ટમાં હોય ત્યારે તે અન્ય કોઈ પણ ટેલિકૉમ કંપની સાથે જોડાઈ શકતો નથી.