શાહરુખે કાર-રેસિંગ લીગની મુંબઈની ટીમ ખરીદી લીધી

Published: Nov 06, 2011, 01:16 IST

નવી દિલ્હી: આઇપીએલ (ઇન્ડિયન પ્રીમિયર લીગ) જેવી ફૉર્મેટ પર ડિસેમ્બરથી યોજાનારી i૧ સુપર સિરીઝ નામની ઇન્ડિયન રેસિંગ લીગની મુંબઈની ટીમ શાહરુખ ખાને કલકત્તા નાઇટ રાઇડર્સનાં પાર્ટનરો જુહી ચાવલા તથા તેના પતિ જય મહેતા સાથેની પાર્ટનરશિપમાં ખરીદી લીધી છે.

 

આ સાથે બૉલીવુડસ્ટારે ક્રિકેટમાંથી હવે મોટરસ્પોર્ટ્સમાં ઝુકાવ્યું છે. શાહરુખ તથા મહેતાદંપતીએ આ ટીમ ૧૫ વર્ષ માટે કુલ બે કરોડ ડૉલર (એક અબજ રૂપિયા)માં ખરીદી છે. આ લીગમાં વિવિધ શહેરોનાં નામ ધરાવતી કુલ ૯ ટીમોનો સમાવેશ હશે. સચિન તેન્ડુલકરે લીગની ૨૬ ટકા ઇક્વિટી ખરીદી છે. શાહરુખે ગઈ કાલે કહ્યું હતું કે ‘i૧ સુપર સિરીઝનો કન્સેપ્ટ ખૂબ ઇન્ટરેસ્ટિંગ છે. ભારતમાં જ્૧ને કારણે મોટરસ્પોર્ટ્સની લોકપ્રિયતા બહુ ઝડપથી વધી રહી છે. મને ખાતરી છે કે આ લીગ ભારતીય સ્પોર્ટ્સની સૌથી મોટી સ્પર્ધાઓમાં ગણાશે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK