સેહવાગ T20 ઇન્ટરનૅશનલ છોડી રહ્યો હોવાની જોરદાર અફવા

Published: 2nd November, 2012 05:40 IST

વીરેન્દર સેહવાગને T20 ઇન્ટરનૅશનલ મૅચો હવે નથી રમવી અને તેણે આ વાત ક્રિકેટ બોર્ડને કહી દીધી છે એવો એક અહેવાલ દિલ્હીના ‘ડેઇલી મેઇલ’ નામના અખબારે ગઈ કાલે સાંજે પ્રગટ કર્યો એની ગણતરીની પળોમાં સોશ્યલ નેટવર્કિંગ વેબસાઇટ ટ્વિટર પર વીરુએ આ રિપોર્ટ સાફ શબ્દોમાં નકારી કાઢ્યો હતો.



નવી દિલ્હી:

અખબારે બોર્ડના એક વરિષ્ઠ અધિકારીને ટાંકીને છાપેલા અહેવાલમાં કહ્યું હતું કે સેહવાગે બોર્ડને જાણ કરી છે કે તે ટેસ્ટ અને વન-ડે રમવા પર વધુ ધ્યાન આપવા માગે છે, ફિટનેસ સુધારવા માગે છે અને T20 ઇન્ટરનૅશનલના સંઘર્ષનો વધુ સામનો કરવા અક્ષમ છે એટલે હવે આ સૌથી નાના ફૉર્મેટની ક્રિકેટને ગુડબાય કરવા માગે છે.

જોકે વીરુએ ટ્વિટર પર ખુલાસામાં કહ્યું હતું કે ‘વધુ એક પાયા વગરના સમાચાર ફેલાયા છે. હું T20 ઇન્ટરનૅશનલ છોડી દેવા માગું છું એવી કોઈ જાણ મેં ક્રિકેટ બોર્ડને નથી કરી. હું આવતા મહિને ઇંગ્લૅન્ડ સામે રમાનારી T20 સિરીઝમાં રમવા તૈયાર છું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK