વર્લ્ડ કપમાં અજમલના રમવાના ચાન્સ ફિફ્ટી-ફિફ્ટી
શંકાસ્પદ બોલિંગ-ઍક્શનને કારણે આંતરરાષ્ટ્રીય ક્રિકેટમાં બોલિંગ નાખવા પર પ્રતિબંધ મૂકવામાં આવ્યો છે એવા પાકિસ્તાની બોલર સઈદ અજમલ વિશે વાત કરતાં પાકિસ્તાન ક્રિકેટ બોર્ડના અધ્યક્ષ શહરયાર ખાને કહ્યું હતું કે ‘સ્પિનર સઈદ અજમલ પોતાની ઍક્શન સુધારવાનો પૂરતો પ્રયત્ન કરી રહ્યો છે, પરંતુ તેના માટે વર્લ્ડ કપની પાકિસ્તાનની ટીમના સભ્ય બનવું એક કઠિન કામ છે. તે ઘણી મહેનત કરી રહ્યો છે. સક્લૈન મુશ્તાકના અધ્યક્ષપદમાં નિષ્ણાતોની ટીમ પણ તેની સાથે કામ કરી રહી છે.’
ADVERTISEMENT
જોકે તેણે શહરયાર ખાનને કહ્યું હતું કે ‘સર, મને ખબર છે કે ભૂલ ક્યાં થઈ છે. હું એને સુધારવાનો પ્રયત્ન કરી રહ્યો છું.’
શહરયાર ખાને કહ્યું હતું કે ‘તે પોતાની કોણીના ઍન્ગલને સુધારવાનો પ્રયત્ન કરી રહ્યો છે એમ છતાં એ નિયમ મુજબ માન્ય નથી. આમ તે પાકિસ્તાન વતી રમે એવી ૫૦ ટકા શક્યતા રહેલી છે.’