સચિન મોટી ઉંમરને કારણે ધીમો પડ્યો છે ને ફાસ્ટ બોલરો સામે તેનું ફૂટવર્ક સારું નથી : માર્ટિન ક્રો

Published: 7th September, 2012 05:46 IST

સચિન તેન્ડુલકર ન્યુ ઝીલૅન્ડ સામેની છેલ્લી ત્રણ ટેસ્ટઇનિંગ્સમાં સસ્તામાં ક્લીન બોલ્ડ થતાં સુનીલ ગાવસકર સહિતના કેટલાક ક્રિકેટ-નિષ્ણાતોએ તેને નિવૃત્તિની આડકતરી સલાહ આપતી કમેન્ટ કરી એમાં ગઈ કાલે ભૂતપૂર્વ કિવી કૅપ્ટન માર્ટિન ક્રોએ સૂર પૂરાવ્યો હતો.

નવી દિલ્હી:

ક્રોએ www.cricinfo.com વેબસાઇટને કહ્યું હતું કે ‘માસ્ટર બ્લાસ્ટર વધતી જતી ઉંમરને કારણે ધીમો તો પડ્યો જ છે, પરંતુ તે હજી પણ સમસ્યાઓનો સારી રીતે સામનો કરવા કાબેલ છે. હાથ અને આંખ વચ્ચેના સમન્વયને લગતી કોઈ સમસ્યા તેને નથી નડતી. શૉટ મારતી વખતે તેના હાથમાં જે ઝડપ જોવા મળે છે એવી ઝડપ ૧૯૯૨માં પણ નહોતી જોવા મળતી. જે કાંઈ હોય, પણ તેનું બૉડી અગાઉ કરતાં સ્લો લાગી જ રહ્યું છે. બીજી એક ખાસ વાત એ છે કે ફાસ્ટ બોલરો સામે તેનું ફૂટવર્ક હવે પહેલાં જેવું નથી. તેમની સામે તે ઝડપથી યોગ્ય પૉઝિશનમાં નથી આવી શકતો.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK