પંતની ચૅલેન્જ સામે રોહિતની સિક્સર
રિષભ પંતની ચૅલેન્જ સામે રોહિત શર્માએ જબરદસ્ત સિક્સર ફટકારી છે. રોહિત શર્મા તેની લાંબી સિક્સરો માટે જાણીતો છે એવામાં તેને રિષભ પંત પાસેથી બિગેસ્ટ સિક્સર મારવાની ચૅલેન્જ મળી છે. રોહિત હાલમાં જસપ્રીત બુમરાહ સાથે ઇન્સ્ટાગ્રામ પર વાતચીત કરી રહ્યો હતો. ઇન્સ્ટાગ્રામના લાઇવ સેશનમાં જસપ્રીત બુમરાહે રોહિત શર્માને કહ્યું હતું કે પંત ઇચ્છે છે કે તમારા બે વચ્ચે કોણ લાંબી સિક્સર મારે એની કૉમ્પિટિશન કરવામાં આવે. આ વિશે જવાબ આપતાં રોહિતે કહ્યું હતું કે ‘મેરે સાથ ઉસકો કૉમ્પિટિશન કરની હૈ? એક સાલ હુઆ નહીં ઉસકો ક્રિકેટ ખેલ કે, છક્કે કા કૉમ્પિટિશન લગા રહા હૈ.’
રોહિતે ૩૪૬ ઇન્ટરનૅશનલ મૅચમાં કુલ ૪૨૩ સિક્સર ફટકારી છે જ્યારે પંતે ૫૬ ગેમમાં ૪૭ સિક્સર મારી છે. એવામાં કોણ આ ચૅલેન્જ જીતી શકે છે એ તો ધારી જ શકાય છે.