કૅરિબિયન પ્રીમિયર લીગમાં 267 રન સાથે શાહરુખની ટીમે રચ્યો નવો ઇતિહાસ

નવી દિલ્હી | Sep 15, 2019, 11:20 IST

આ સ્કોર ટુર્નામેન્ટમાં હાઇએસ્ટ અને ટી૨૦ ક્રિકેટમાં સેકન્ડ હાઇએસ્ટ

કિરોન પોલાર્ડ
કિરોન પોલાર્ડ

વેસ્ટ ઇન્ડીઝની ધરતી પર રમાઈ રહેલી કૅરિબિયન પ્રીમિયર લીગ (સીપીએલ)માં બૉલીવુડના કિંગ ખાન શાહરુખ ખાનની ટીમ ટ્રિન્બાગો નાઇટ રાઇડર્સ શાનદાર ફોર્મમાં છે અને ચારેચાર મૅચ જીતીને પૉઇન્ટ ટેબલમાં પહેલા નંબરે છે. કિરોન પોલાર્ડની કૅપ્ટન્સીમાં ટ્રિન્બાગો નાઇટ રાઇડર્સ ટીમે શુક્રવારે તેની ચોથી મૅચમાં ક્રિસ ગેઇલની કપ્તાનીવાળી ટીમ જમૈકા થાલાવાહને ૪૧ રનથી હરાવીને સતત ચોથી જીત નોંધાવી હતી.

આ પણ વાંચો : રોહિત ટેસ્ટ-ઓપનર તરીકે સફળ રહ્યો તો ભારત કોઈ પણ ટાર્ગેટ ચેઝ કરવા સક્ષમ: બાંગડ

આ મૅચમાં ટ્રિન્બાગો નાઇટ રાઇડર્સે પહેલા બૅટિંગ કરતાં ૨૦ ઓવરમાં બે વિકેટે ૨૬૭ ખડકીને ટુર્નામેન્ટમાં નવો ઇતિહાસ રચી દીધો હતો. ૨૬૭ રન આ ટુર્નામેન્ટમાં હાઇએસ્ટ ટીમ ટોટલ બની ગયા હતા. ૨૬૭ રન ટી૨૦ ક્રિકેટમાં સેકન્ડ હાઇએસ્ટ સ્કોર પણ બની ગયો હતો. અફઘાનિસ્તાને આ વર્ષના ફેબ્રુઆરીમાં આયરલૅન્ડ સામે બનાવેલા ૩ વિકેટે ૨૭૮ અને ચેક રિપબ્લિકે થોડા સમય પહેલાં એટલે કે ૩૦ ઑગસ્ટે ટર્કી સામે બનાવેલા ૪ વિકેટે ૨૭૮ રન સંયુક્ત રીતે પ્રથમ નંબરે છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK