આ શું, મેલબર્નમાં મારો અશ્વિન જ રમી રહ્યો છે?

સવાસો વર્ષ કરતાં પણ જૂના મેલબર્નના ક્રિકેટ ગ્રાઉન્ડ પર પોતાનો પુત્ર આર. અશ્વિન રમી રહ્યો છે અને પોતે તેને રમતો જોઈ રહ્યા છે એવું તેના પિતા રવિચન્દ્રનના માનવામાં હજીયે નથી આવતું.

સાંઈ મોહન

મેલબર્ન, તા. ૨૯

ગઈ કાલે પ્રથમ ટેસ્ટમૅચ (સ્ટાર ક્રિકેટ પર સવારે ૫.૦૦)ના ત્રીજા દિવસે તેમણે પુત્રની ૩૧ રનની ઇનિંગ્સ અને પછી તેણે લીધેલી એક વિકેટના પફોર્ર્મન્સને માણ્યો હતો.

અશ્વિન પોતાના નામની આગળ પિતાનું નામ રવિચન્દ્રન લખે છે. રવિચન્દ્રન પોતાના પુત્રની મૅચ જોવા સ્ટેડિયમમાં ભાગ્યે જ જાય છે. વલ્ર્ડ કપની મૅચો વખતે પણ તેમણે કોઈ પ્રવાસ નહોતો કયોર્ અને ઘરમાં બેસીને જ મૅચો જોઈ હતી. તેમણે ગઈ કાલે ‘મિડ-ડે’ને કહ્યું હતું કે ‘હું મારા દીકરાને મેલબર્નમાં રમતો જોઈ રહ્યો છું એ હજી પણ મારા માનવામાં નથી આવતું. યુવાનવયે રેડિયો પર કૉમેન્ટરીઓ સાંભળીને અને ટીવી પર મૅચો જોઈને મને મેલબર્નમાં મૅચ જોવાની બહુ ઇચ્છા થતી હતી અને ત્યારે મેં વિચાર્યું હતું કે ક્યારેક તો આ ઐતિહાસિક સ્ટેડિયમમાં બેસીને હું મૅચ જોઈશ જ. મને શું ખબર હતી કે હું મારા જ પુત્રની મૅચ જોવા અહીં આવીશ. આવું બનશે એની મેં ક્યારેય કલ્પના પણ નહોતી કરી.’

પુત્ર અશ્વિનને મળ્યા, પણ ક્રિકેટની વાતો ન કરી રવિચન્દ્રન ગઈ કાલની રમત પછી પુત્ર અશ્વિનને તેની હોટેલમાં જઈને તેને મળ્યા હતા. જોકે તેની સાથે તેમણે ક્રિકેટ સિવાયની જનરલ વાતો કરી હતી. રવિચન્દ્રને ‘મિડ-ડે’ને કહ્યું હતું કે ‘હું મારા પુત્ર સાથે ક્રિકેટની વાતો ભાગ્યે જ કરું છું. આર. રામનાથ નામના મારા મિત્રના આગ્રહથી જ હું અહીં આવ્યો છું. મારા દીકરાએ થોડા દિવસ પહેલાં વેસ્ટ ઇન્ડીઝ સામે બાવીસ વિકેટ લઈને જે બહુ સારું પફોર્ર્મ કર્યું એનો મને બેહદ આનંદ છે.’