Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > પ્રૅક્ટિસ મૅચઃ ઉમેશની ત્રણ વિકેટ, કૅમેરુન ગ્રીને સદી ફટકારી

પ્રૅક્ટિસ મૅચઃ ઉમેશની ત્રણ વિકેટ, કૅમેરુન ગ્રીને સદી ફટકારી

08 December, 2020 03:22 PM IST | Sydney
Gujarati Mid-day Correspondent | feedbackgmd@mid-day.com

પ્રૅક્ટિસ મૅચઃ ઉમેશની ત્રણ વિકેટ, કૅમેરુન ગ્રીને સદી ફટકારી

ઉમેશ યાદવ

ઉમેશ યાદવ


ઑસ્ટ્રેલિયા સામે ચાર ટેસ્ટની સિરીઝ પહેલાં ટીમ ઇન્ડિયા-એ ૩ દિવસીય પ્રૅક્ટિસ મૅચ રમી રહી છે. આ મૅચને ફર્સ્ટ ક્લાસ સ્ટેટસ આપવામાં આવ્યું છે. બીજા દિવસના અંતે ઑસ્ટ્રેલિયા-એની ટીમે ૮ વિકેટે ૨૮૬ રન કર્યા છે. યજમાન ટીમ ઇન્ડિયા-એથી ૩૯ રન આગળ છે. તેમને માટે પાંચમા ક્રમે રમવા આવેલા ઑલરાઉન્ડર કૅમેરુન ગ્રીને ૧૭૧ બૉલમાં ૧૦ ફોર અને ૧ સિક્સરની મદદથી ૧૧૩ રન (નૉટઆઉટ) કર્યા હતા. ભારત માટે ઉમેશ યાદવે સર્વાધિક ૩ વિકેટ લીધી.

ઑસ્ટ્રેલિયન ઓપનર્સ સસ્તામાં પૅવિલિયનભેગા થયા હતા. વીલ પુકોવ્સ્કી ૧ રને અને જો બર્ન્સ ૪ રને ઉમેશના શિકાર થયા હતા. વિકેટકીપર ટિમ પેઇને ૪૫, માર્ક્સ હૅરિસે ૩૫, માઇકલ નેસરે ૩૩ અને નિક મેડિસને ૨૩ રન બનાવ્યા. ભારત માટે ઉમેશ ઉપરાંત રવિચંદ્રન અશ્વિન અને મોહમ્મદ સિરાજે ૨-૨ વિકેટ લીધી હતી. ઑફ સ્પિનર અશ્વિન આજે ટૉપ પહેરીને બોલિંગ કરતો જોવા મળ્યો હતો. તેના આ વિડિયોઝ સોશ્યલ મીડિયા પર વાઇરલ થયા હતા. સિડનીના ડ્રમમોયેન ઓવલ ખાતે ૨૩૭/૮થી દિવસની શરૂઆત કરનાર ઇન્ડિયા-એની ટીમે સ્કોરબોર્ડમાં ૧૦ રન ઉમેરીને ઇનિંગ્સ ડિક્લેર કરી હતી. કૅપ્ટન અજિંક્ય રહાણે ૧૧૨ રને અણનમ રહ્યો. તેણે ૨૪૨ બોલની ઇનિંગ્સ દરમ્યાન ૧૮ ફોર અને ૧ સિક્સર મારી હતી. ઑસ્ટ્રેલિયા માટે જેમ્સ પેટિનસને ૩ વિકેટ, માઇકલ નેસર અને ટ્રેવિસ હેડે ૨-૨ વિકેટ, જ્યારે જૅક્સન બર્ડ અને માર્ક સ્ટેકેટીએ ૧-૧ વિકેટ લીધી હતી.


Whatsapp-channel Whatsapp-channel

08 December, 2020 03:22 PM IST | Sydney | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK