હસન અલીએ બગાડી સાઉથ આફ્રિકાની હાલત

Published: 7th February, 2021 16:34 IST | Gujarati Mid-day Correspondent | Rawalpindi

બીજી ઇનિંગ્સમાં ૬ વિકેટે ૧૨૯ રન, કુલ ૨૦૦ રનની લીડ સાથે પાકિસ્તાન મજબૂત સ્થિતિમાં

પ્રતીકાત્મક તસવીર
પ્રતીકાત્મક તસવીર

સાઉથ આફ્રિકાને ગઈ કાલે બીજી ટેસ્ટ મૅચના ત્રીજા દિવસે માત્ર ૨૦૧ રનમાં ઑલઆઉટ કરી પાકિસ્તાને મૅચમાં મજબૂત સ્થિતિ મેળવી લીધી હતી. ૪ વિકેટે ૧૦૬ રનથી આગળ રમવા ઊતરેલી સાઉથ આફ્રિકા પહેલી ઇનિંગમાં ખાસ કંઈ કરી શકી નહોતી. ટેમ્બા બવુમા ૪૪ રન કરીને છેલ્લે સુધી પિચ પર નાબાદ રહ્યો હતો, પણ તેને સામે કોઈ પણ સાથીપ્લેયરનો સાથ નહોતો મળ્યો. ટીમના ચાર ખેલાડી એકઅંકી સ્કોરમાં આઉટ થયા હતા જેમાંથી ત્રણ પ્લેયર્સ ખાતું પણ ખોલી શક્યા નહોતા. હસન અલીએ સૌથી વધારે પાંચ વિકેટ મેળવી હતી, જ્યારે શાહીન આફ્રિદી, ફહીમ અશરફ અને નૌમાન અલીને એક-એક વિકેટ મળી હતી.

પહેલી ઇનિંગમાંના ૭૧ રનની લીડ સાથે બીજી ઇનિંગમાં રમવા ઊતરેલા પાકિસ્તાને દિવસના અંત સુધીમાં ૬ વિકેટે ૧૨૯ રન બનાવીને કુલ ૨૦૦ રનની લીડ મેળવી લીધી હતી. અત્યાર સુધી અઝહર અલીએ સૌથી વધારે ૩૩ રન બનાવ્યા હતા. જ્યૉર્જ લિન્ડેને ત્રણ, કેશવ મહારાજ બે અને કૅગિસો રબાડાને એક વિકેટ મ‍ળી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK