પાકિસ્તાને ૨૪૮ રનથી કિવીઓને કચડ્યા

Published: 14th November, 2014 06:04 IST

રાહત અલી મૅન ઑફ ધ મૅચ : ૧૫મી ટેસ્ટ જીતીને મિસ્બાહ બન્યો સફળ પાકિસ્તાની કૅપ્ટન



પોતાના ૧૫ ટેસ્ટ-વિજય સાથે પાકિસ્તાનના સૌથી સફળ કૅપ્ટનમાં ગણના પામવામાં ગઈ કાલે મિસ્બાહ ઉલ-હકને એક કલાક કરતાં વધુ સમય લાગ્યો હતો. જોકે ચાર દિવસ બાદ શરૂ થનારી બીજી ટેસ્ટ-મૅચમાં એ કમબૅક કરી શકે છે એવો સંકેત ચોક્કસ ન્યુ ઝીલૅન્ડે આપ્યો હતો. પાકિસ્તાને પહેલી ટેસ્ટમાં ન્યુ ઝીલૅન્ડને ૨૪૮ રનથી હરાવીને ત્રણ મૅચોની સિરીઝમાં ૧-૦થી લીડ મેળવી લીધી છે.

મૅચમાં છ વિકેટ લેનાર બોલર રાહત અલીને મૅન ઑફ ધ મૅચ જાહેર કરવામાં આવ્યો હતો. પાકિસ્તાનને આ મૅચ જીતવા માટે ગઈ કાલે માત્ર બે વિકેટની જરૂર હતી એ માટે એણે ૧૬.૩ ઓવર સુધી રાહ જોવી પડી હતી. ૧૭૪ રનના સ્કોરને આગળ ધપાવતાં ન્યુ ઝીલૅન્ડે ૭૦.૩ ઓવરમાં કુલ ૨૩૧ રન બનાવ્યા હતા.

ચમકારા

પાકિસ્તાનનો આ ન્યુ ઝીલૅન્ડ સામેનો બીજો સૌથી મોટો વિજય હતો.

પાકિસ્તાને ૨૦૦ કરતાં વધુ રનથી કુલ ૧૧ ટેસ્ટ-મૅચ જીતી છે જે પૈકી ત્રણ વિજય ૨૦૧૪માં મેળવ્યા છે જેમાં ઑસ્ટ્રેલિયા સામે જીતેલી બે મૅચોનો પણ સમાવેશ છે.

છેલ્લાં ૪૫ વર્ષમાં ન્યુ ઝીલૅન્ડ માત્ર એક વખત જ પાકિસ્તાન સામે ટેસ્ટ-સિરીઝ જીત્યું છે જે ૧૯૮૫માં ૨૯ વર્ષ પહેલાં બન્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK