વર્લ્ડ T20 ઇલેવનમાં કોહલી એકમાત્ર ભારતીય : રૈના બારમો

Published: 9th October, 2012 05:24 IST

T20 વર્લ્ડ કપની સમાપ્તિને પગલે આઇસીસીએ વર્લ્ડ T20 ઇલેવન બનાવી છે.


કોલંબો: આ ટીમ ઑફ ધ ટુર્નામેન્ટમાં વિરાટ કોહલી એકમાત્ર ભારતીય પ્લેયર છે. સુરેશ રૈનાને આ ટીમનો બારમો ખેલાડી બનાવવામાં આવ્યો છે. કોહલીએ પાંચ મૅચમાં ૧૮૫ રન બનાવ્યા હતા જે તમામ બૅટ્સમેનોમાં સાતમા નંબરે અને ભારતીયોમાં પ્રથમ ક્રમે હતા. રૈનાના ૬ કૅચ તમામ દેશોના નૉન-વિકેટકીપિંગ ફીલ્ડરોમાં હાઇએસ્ટ હતા.

માહેલા જયવર્દનેએ વર્લ્ડ કપની ફાઇનલની હાર પછી શ્રીલંકન T20 ટીમની કૅપ્ટન્સી છોડી દીધી છે, પરંતુ આઇસીસીએ તેને પોતાની સ્પેશ્યલ T20 ટીમનો સુકાની બનાવ્યો છે. આ ઇલેવન શ્રીલંકાના હવામાન અને પિચ સહિતની સ્થિતિઓને નજરસમક્ષ રાખીને તૈયાર કરવામાં આવી છે.

આઇસીસી વર્લ્ડ T20 ઇલેવન (બૅટિંગ-ઑર્ડર મુજબ): ક્રિસ ગેઇલ, શેન વૉટ્સન, વિરાટ કોહલી, માહેલા જયવર્દને (કૅપ્ટન), લ્યુક રાઇટ, બ્રેન્ડન મૅક્લમ, માર્લન સૅમ્યુલ્સ, લસિથ મલિન્ગા, મિચલ સ્ટાર્ક, સઈદ અજમલ અને અજંથા મેન્ડિસ. બારમો ખેલાડી : સુરેશ રૈના

પૂનમ રાઉત

મહિલાઓની ટીમમાં આઇસીસીની મહિલાઓની વર્લ્ડ T20 ઇલેવનમાં રનર્સ-અપ ટીમ ઇંગ્લૅન્ડની શાલોર્ટ એડવર્ડ્સ કૅપ્ટન છે અને ચૅમ્પિયન ઑસ્ટ્રેલિયન ટીમની ઘણી પ્લેયરો છે. આ ઇલેવનમાં ભારતની બૅટ્સવુમન પૂનમ રાઉતનો પણ સમાવેશ છે

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK