જૉકોવિચની ગ્રૅન્ડ સ્લૅમમાં ટ્રિપલ સેન્ચુરી

Published: 15th February, 2021 13:17 IST | Gujarati Mid-day Correspondent | Melbourn

ડોમિનિક થીએમ થયો બહાર, સિમોના હેલેપ, સેરેના વિલિયમ્સ અને નાઓમી ઓસાકાની આગેકૂચ બરકરાર

ગઈ કાલે આઠ વાર ઑસ્ટ્રેલિયન ઓપનના ચૅમ્પિયન નોવાક જૉકોવિચે મિલોસ રૅઓનિકને ચાર સેટમાં હરાવી ક્વૉર્ટર ફાઇનલમાં જગ્યા બનાવી હતી. ગ્રૅન્ડ સ્લૅમની મૅચમાં આ તેની ૩૦૦મી વિનિંગ મૅચ હતી. આટલી ગ્રૅન્ડ સ્લૅમ મૅચ જીતનારો તે રૉજર ફેડરર બાદ બીજો પ્લેયર બન્યો છે. ત્રીજા રાઉન્ડની મૅચમાં જૉકોવિચ પીડાથી કણસતો જોવા મ‍ળ્યો હતો અને આ મૅચમાં તે જમણી હિપ પર ટેપ પહેરીને રમ્યો હતો, જેમાં તેણે ૨૦૧૬ વિમ્બલ્ડન ફાઇનલિસ્ટ રૅઓનિકને ૭-૬ (૪), ૪-૬, ૬-૧, ૬-૪થી હરાવ્યો હતો.

પુરુષ એકલની અન્ય એક મૅચમાં ડોમિનિક થીએમને ગ્રિગોર દિમિત્રોવ સામે ૪-૬, ૪-૬, ૦-૬થી પરાજયનો સામનો કરવો પડ્યો હતો

ઑસ્ટ્રેલિયન ઓપનના મહિલા એકલ વર્ગમાં સિમોના હેલેપ, સેરેના વિલિયમ્સ અને નાઓમી ઓસાકાએ પણ પોતાની આગેકૂચ બરકરાર રાખી હતી. સિમોના હેલેપે ઇગા સ્વિઆટેકને ૩-૬, ૬-૧, ૬-૪થી અને સેરેના વિલિયમ્સે આર્યના સબલેન્કાને ૬-૪, ૨-૬, ૬-૪થી પરાજય આપ્યો હતો, જ્યારે નાઓમી ઓસાકાએ ગર્બિના મુગુરુઝાને ૪-૬, ૬-૪, ૭-૫થી હરાવી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK