• હોમ
  • સ્પોર્ટ્સ સમાચાર

ન્યુ ઝીલૅન્ડે કર્યો શ્રીલંકાનો વાઇટવૉશ

Jan 09, 2019, 08:20 IST

ત્રીજી વન-ડેમાં ૧૧૫ રનથી વિજય : પહેલી વખત કિવી ટીમના ૪ અને પ નંબરના બૅટ્સમેને ફટકારી એક જ મૅચમાં સદી

ન્યુ ઝીલૅન્ડે કર્યો શ્રીલંકાનો વાઇટવૉશ
જીત બાદ ન્યૂઝીલેન્ડની ટીમ

નેલસનના હેક્સટોન ઓવલ મેદાનમાં ન્યુ ઝીલૅન્ડે રૉસ ટેલર અને હેનરી નિકોલ્સની સેન્ચુરીની મદદથી શ્રીલંકાને ત્રીજી અને છેલ્લી વન-ડેમાં ૧૧૫ રનના પ્રભાવશાળી અંતરથી હરાવીને ૩-૦થી વાઇટવૉશ કર્યો હતો. ટૉસ જીતીને શ્રીલંકાએ પહેલાં બોલિંગ કરવાનું પસંદ કરતાં નાના ગ્રાઉન્ડનો ભરપૂર ફાયદો ઉઠાવીને નંબર ૪ રૉસ ટેલરે ૧૩૭ અને નંબર ૫ હેનરી નિકોલ્સ નૉટઆઉટ ૧૨૪ અને કૅપ્ટન કૅન વિલિયમસનના ૫૫ રનની મદદથી નર્ધિારિત ૫૦ ઓવરમાં ૪ વિકેટે ૩૬૪ રન ખડકી દીધા હતા.

જવાબમાં સિરીઝ હારી ચૂકેલા શ્રીલંકાના ઓપનરોએ ૮.૧ ઓવરમાં ૬૬ રનની શરૂઆત અપાવી પણ એનો ફાયદો પછીના બૅટ્સમેનો ઉઠાવી ન શક્યા. ફરી એક વખત થિસારા પરેરા આક્રમક બૅટિંગ કરીને હાઇએસ્ટ ૮૦ રન બનાવી શક્યો હતો, પણ તેની સાથે કોઈએ મોટી પાર્ટનરશિપ કરી ન હતી. તેણે ૬૩ બૉલમાં ૭ ફોર અને ૩ સિક્સરની મદદથી ૮૦ રન બનાવ્યા હતા. લોકી ફગુર્સને ૮ ઓવરમાં ૪૦ રન આપીને ૪ અને ઇશ સોઢીએ ૮.૪ ઓવરમાં ૪૦ રન આપીને ૩ વિકેટ લીધી હતી. શ્રીલંકાના નુવન પ્રદીપે પાંચ અને ન્યુ ઝીલૅન્ડના ટિમ સાઉધીએ ૪ વાઇડ બૉલ ફેંક્યા હતા.

 

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK