સારી તૈયારી હશે તો ઑલિમ્પિકમાં મદદ મળી રહેશે : કોચ ગોપીચંદ

Published: Jan 04, 2020, 15:03 IST | New Delhi

કોચ પુલેલા ગોપીચંદે તાજેતરમાં સરકારની ખેલો ઇન્ડિયા પહેલનાં વખાણ કર્યાં છે અને સાથે-સાથે પ્લેયરોને ઑલિમ્પિક માટે સારી તૈયારી કરવાની સલાહ પણ આપી છે.

કોચ પુલેલા ગોપીચંદ
કોચ પુલેલા ગોપીચંદ

પી. વી. સિન્ધુ અને સાયના નહેવાલ જેવાં ચૅમ્પિયન્સને તૈયાર કરનાર કોચ પુલેલા ગોપીચંદે તાજેતરમાં સરકારની ખેલો ઇન્ડિયા પહેલનાં વખાણ કર્યાં છે અને સાથે-સાથે પ્લેયરોને ઑલિમ્પિક માટે સારી તૈયારી કરવાની સલાહ પણ આપી છે.

આ બાબતે વાત કરતાં ગોપીચંદે કહ્યું કે ‘પાછલા કેટલાક ઑલિમ્પિકમાં આપણે સારું પર્ફોર્મ કર્યું છે અને આ વખતે આપણે આપણી ટીમમાં વર્લ્ડ ચૅમ્પિયન પ્લેયરો સાથે ઑલિમ્પિકમાં જવાના છીએ. જોકે આ બધા માટે સારી તૈયારીની જરૂર છે. પાછલી ગેમમાં જે પ્રમાણે તૈયારીઓ કરી હતી એનાથી ઘણી સારી તૈયારી કરીને આપણા પ્લેયરો આ વખતે રમવા ઊતરશે.’

ખેલો ઇન્ડિયા પ્રોગ્રામની પ્રશંસા કરતાં ગોપીચંદે કહ્યું કે ‘આ પહેલને લીધે દરેક ગેમના ઍથ્લીટને સાથે આવીને રમવાની તક મળે છે અને એ ઘણી સારી વાત છે. આ પહેલથી હું ઘણો ખુશ છું.’

ખેલો ઇન્ડિયા યુથ ગેમ્સનું ત્રીજી એડિશન ૧૦થી ૨૨ જાન્યુઆરી દરમ્યાન ગુવાહાટીમાં યોજાવાની છે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK