શાંઘાઈ ઓપન : નડાલ આઉટ અને મરે, ફેરર, રૉડિક ક્વૉર્ટરમાં
સ્પેનનો ડેવિડ ફેરર અને અમેરિકાનો ઍન્ડી રૉડિક ક્વૉર્ટર ફાઇનલમાં પહોંચી ગયા હતા. ગઈ કાલે રમાયેલી પ્રી-ક્વૉર્ટર્સમાં ફેરરે તેના જ દેશના જુઆન કાલોર્સ ફેરેરોને ૧-૬, ૭-૫ અને ૬-૨થી હરાવ્યો હતો. ફેરર પહેલો સેટ આસાનીથી હારીને બીજા સેટમાં હારની નજીક પહોંચી ગયો હતો, પણ તેણે ત્રણ મૅચ-પૉઇન્ટ બચાવીને જોરદાર કમબૅક કર્યું હતું અને ત્રીજા સેટમાં ફેરેરોની ઇન્જરીનો લાભ ઉઠાવીને સેટ ૬-૧થી જીતીને મૅચ જીતી લીધી હતી. આ જીત સાથે ફેરરે વર્ષના અંતે ટૉપના આઠ ખેલાડીઓ વચ્ચે રમાતી એટીપી વર્લ્ડ ટૂર ફાઇનલ માટે પણ ક્વૉલિફાઇડ કરી લીધું છે. બીજી તરફ રૉડિકે સ્પેનના નિકોલસ ઍલમાગ્રોને સીધા સેટમાં ૬-૩ અને ૬-૪થી હરાવ્યો હતો.
