શાંઘાઈ ઓપન : નડાલ આઉટ અને મરે, ફેરર, રૉડિક ક્વૉર્ટરમાં

Published: 14th October, 2011 21:20 IST

શાંઘાઈ: ચીનના શાંઘાઈમાં ચાલી રહેલી શાંઘાઈ ઓપનમાં ગઈ કાલે અપસેટ સર્જાયો હતો અને ટૉપ સીડેડ તથા વર્લ્ડ નંબર ટૂ ટેનિસ પ્લેયર રાફેલ નડાલ જર્મનીના ફ્લોરિયન મેયર સામે સીધા સેટમાં ૬-૭ અને ૩-૬થી હારી જતાં બહાર થઈ ગયો હતો. અત્યારે ટૉપ ફૉર્મમાં ચાલી રહેલો સેકન્ડ સીડેડ ઍન્ડી મરે પણ સ્વિઝટ્રલૅન્ડના સ્ટૅનિસ્લાસ વાવરિન્કા સામે ૬-૪, ૩-૬ અને ૬-૩થી જીતી ગયો હતો.

 

સ્પેનનો ડેવિડ ફેરર અને અમેરિકાનો ઍન્ડી રૉડિક ક્વૉર્ટર ફાઇનલમાં પહોંચી ગયા હતા. ગઈ કાલે રમાયેલી પ્રી-ક્વૉર્ટર્સમાં ફેરરે તેના જ દેશના જુઆન કાલોર્સ ફેરેરોને ૧-૬, ૭-૫ અને ૬-૨થી હરાવ્યો હતો. ફેરર પહેલો સેટ આસાનીથી હારીને બીજા સેટમાં હારની નજીક પહોંચી ગયો હતો, પણ તેણે ત્રણ મૅચ-પૉઇન્ટ બચાવીને જોરદાર કમબૅક કર્યું હતું અને ત્રીજા સેટમાં ફેરેરોની ઇન્જરીનો લાભ ઉઠાવીને સેટ ૬-૧થી જીતીને મૅચ જીતી લીધી હતી. આ જીત સાથે ફેરરે વર્ષના અંતે ટૉપના આઠ ખેલાડીઓ વચ્ચે રમાતી એટીપી વર્લ્ડ ટૂર ફાઇનલ માટે પણ ક્વૉલિફાઇડ કરી લીધું છે. બીજી તરફ રૉડિકે સ્પેનના નિકોલસ ઍલમાગ્રોને સીધા સેટમાં ૬-૩ અને ૬-૪થી હરાવ્યો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK