બ્લૅક લાઇવ મૅટર્સ મૂવમેન્ટને કારણે વેસ્ટ ઇન્ડીઝને મોટિવેશન મળ્યું છે
ડૅરેન સમી
વેસ્ટ ઇન્ડીઝના ભૂતપૂર્વ કૅપ્ટન ડૅરેન સમીનું માનવું છે કે બ્લૅક લાઇવ મૅટર્સ કૅમ્પેનને કારણે વેસ્ટ ઇન્ડીઝના પ્લેયરને વધુ મોટિવેશન મળ્યું છે. કોરોના વાઇરસના ફેલાવા બાદ દુનિયા લૉકડાઉન થઈ હતી અને ત્યાર બાદ પહેલી ઇન્ટરનૅશનલ ક્રિકેટ વેસ્ટ ઇન્ડીઝ અને ઇંગ્લૅન્ડ વચ્ચે રમાઈ હતી. આ પહેલી ટેસ્ટ મૅચમાં વેસ્ટ ઇન્ડીઝ જીતી ગઈ હતી. આ વિશે વાત કરતાં ડૅરેન સમીએ કહ્યું હતું કે ‘ઇંગ્લૅન્ડમાં આવીને એક બ્લૅક ટીમ રમતી હોય અને બ્લૅક લાઇવ મૅટર્સની મૂવમેન્ટ ચાલતી હોય તો ટીમને વધુ મોટિવેશન મળે છે. ઇંગ્લૅન્ડમાં રમવું વેસ્ટ ઇન્ડીઝ માટે ખૂબ જ સ્પેશ્યલ છે અને તેઓ પણ પોતાની ટીમને ઉપર આવીને વધુ મોટિવેટ કરવા માગે છે. આ મૂવમેન્ટ, લૉકડાઉન બાદ સ્પોર્ટ્સનું કમબૅક કરવું અને એમાં ટીવી પર વેસ્ટ ઇન્ડીઝની ટીમને જોવાથી તેમને વધુ મોટિવેશન મળ્યું છે.’
