શમીએ શરૂ કરી ટ્રેઇનિંગ, કદાચ રમશે ત્રીજી ટેસ્ટ

Published: 8th February, 2021 11:53 IST | Gujarati Mid-day Correspondent | New Delhi

ઑસ્ટ્રેલિયામાં ઍડીલેડ ટેસ્ટ દરમ્યાન શમીને પૅટ કમિન્સનો બૉલ કાંડા પર વાગ્યો હતો જેને લીધે તે જખમી થયો હતો

નેટમાં પ્રૅક્ટિસ કરતો મોહમ્મદ શમી
નેટમાં પ્રૅક્ટિસ કરતો મોહમ્મદ શમી

ટીમ ઇન્ડિયાના સિનિયર પેસર મોહમ્મદ શમીએ નૅશનલ ક્રિકેટ ઍકૅડેમી (એનસીએ)માં લો ઇન્ટેન્સિટી સાથે પોતાની ટ્રેઇનિંગ શરૂ કરી છે જેને લીધે તે કદાચ ત્રીજી ટેસ્ટ મૅચમાં ટીમ ઇન્ડિયા માટે રમતો જોવા મ‍ળી શકે છે. ઑસ્ટ્રેલિયામાં ઍડીલેડ ટેસ્ટ દરમ્યાન શમીને પૅટ કમિન્સનો બૉલ કાંડા પર વાગ્યો હતો જેને લીધે તે જખમી થયો હતો.

શુક્રવારે શમીએ પોતાનો એનસીએમાં નવદીપ સૈની સાથે બોલિંગ કરતો વિડિયો અપલોડ કર્યો હતો. પ્રાપ્ત સમાચાર મુજબ શમી હવે કાંડાની ઈજામાંથી બહાર આવી ગયો છે અને તે હજી થોડા દિવસ ઓછી સ્પીડથી બોલિંગ કરશે. તેને હાલમાં પોતાની ૫૦થી ૬૦ ટકા ક્ષમતાથી અંદાજે ૧૮ બૉલ નાખવાની સલાહ આપવામાં આવી છે.’

ઉલ્લેખનીય છે કે તેની આ ધીમી સ્પીડની બોલિંગ સમયાંતરે વધારવામાં આવશે અને ત્યાર બાદ તે ઇંગ્લૅન્ડ સામેની છેલ્લી બે ટેસ્ટ મૅચ રમી શકશે કે નહીં એ વિશે નિર્ણય લેવામાં આવશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK