વાગડસ્પર્ધાની બન્ને T20માં વિજયના માર્જિન ખૂબ મોટા

Published: 30th November, 2012 06:28 IST

શ્રી વાગડ કલા કેન્દ્ર દ્વારા સાંતાક્રુઝ (ઈસ્ટ)ના ઇન્ડિયન ઍરલાઇન્સ ગ્રાઉન્ડમાં આયોજિત T20 લીગ મૅચ ક્રિકેટ ટુર્નામેન્ટમાં ક્વૉલિફાઇંગ ટીમો પણ રમી રહી હોવાથી ઘણી મૅચ લો-સ્કોરિંગ અને વન-સાઇડેડ જોવા મળી રહી છે. ગઈ કાલે પણ આવું બન્યું હતું. જોકે આ ટીમોનો પર્ફોમન્સ અનુભવ પરથી સુધરતો જોવા મળી શકે તેમ જ એમાંથી ટૅલન્ટેડ પ્લેયરો ઊભરી શકે અને એનો ફાયદો વાગડવાસીઓની ક્રિકેટને થશે.

ગઈ કાલે ટીમ ઘાટકોપરે ગ્રાન્ટ રોડ ઇલેવન તરફથી મળેલો માત્ર ૭૭ રનનો ટાર્ગેટ અડધા ભાગની ઓવરોમાં વિના વિકેટે મેળવી લીધો હતો. બીજી મૅચમાં બોરીવલી ચૅલેન્જર્સે ૬ વિકેટે બનાવેલા ૧૮૪ રન સામે વી. એસ. સી. ગોરેગામની ટીમ ૯ વિકેટે ફક્ત ૧૨૪ રન બનાવી શકી હતી.

કઈ ટીમ કેવી રીતે જીતી?

ગ્રાન્ટ રોડ ઇલેવન (૧૪.૫ ઓવરમાં ૭૬/૧૦) સામે ટીમ ઘાટકોપર (૧૦.૫ ઓવરમાં ૭૭/૦)નો ૧૦ વિકેટે વિજય.

મૅન ઑફ ધ મૅચ : ટીમ ઘાટકોપરનો પ્રિયાંક ગાલા (પાંચ બૉલમાં એક રનના ખર્ચે બે વિકેટ, બે કૅચ)

બોરીવલી ચૅલેન્જર્સ (૨૦ ઓવરમાં ૧૮૪/૬)ની વી. એસ. સી. ગોરેગામ (૨૦ ઓવરમાં ૧૨૪/૯) સામે ૬૦ રનથી જીત.

મૅન ઑફ ધ મૅચ : બોરીવલી ચૅલેન્જર્સનો સતીશ ગાલા (૪૩ બૉલમાં બે સિક્સર તથા સાત ફોર સાથે ૬૨ રન તેમ જ બે વિકેટ)

સી. સી. = ક્રિકેટ ક્લબ, વી. એસ. સી. = વાગડ સ્પોર્ટ્સ ક્લબ

Loading...