સેહવાગ અને અઝહરનો રેકૉર્ડ તોડી શકે છે મયંક
મયંક અગરવાલ
સાઉથ આફ્રિકા સામેની પહેલી ટેસ્ટ મૅચમાં ૨૧૫ રન અને બીજી ટેસ્ટ મૅચમાં ૧૦૮ રનની શતકીય પારી રમનાર મયંક અગરવાલ આજથી શરૂ થતી ત્રીજી અને અંતિમ ટેસ્ટ મૅચમાં વીરેન્દર સેહવાગ અને મોહમ્મદ અઝહરુદ્દીનનો રેકૉર્ડ તોડી શકે છે.
ભારત વતી સાઉથ આફ્રિકા સામે એક ટેસ્ટ સિરીઝમાં સૌથી વધારે રન કરવાનો રેકૉર્ડ અઝહરુદ્દીનના નામે છે. તેણે ૧૯૯૬-’૯૭માં ૬ ઇનિંગ્સમાં ૩૮૮ રન બનાવ્યા હતા, જ્યારે સેહવાગે ૨૦૦૭-’૦૮માં પાંચ ઇનિંગ્સમાં ૩૭૨ રન બનાવ્યા હતા. જો મયંક આ ત્રીજી ટેસ્ટ મૅચમાં ૪૩ રન બનાવી લેશે તો તે વીરેન્દર સેહવાગનો અને ૫૯ રન બનાવતાં મોહમ્મદ અઝહરુદ્દીનનો રેકૉર્ડ તોડી શકશે.