ઑલિમ્પિક્સમાં ગોલ્ડ મેડલ જીતવાનું મૅરી કૉમનું સપનું
મેરી કૉમનું લક્ષ્ય છે ઓલોમ્પિકમાં ગોલ્ડ મેડલ
ADVERTISEMENT
ભારતની મહિલા બૉક્સર મૅરી કૉમે કહ્યું હતું કે ‘એક અબજ કરતાં વધુ વસ્તી ધરાવતા દેશના લોકોની અપેક્ષાઓનો ભાર સહન કરવાનો હોય ત્યારે ૪૮ કિલોગ્રામ વજન ઘણું ઓછું છે. રવિવારે યોજાનારી તાતા મુંબઈ મૅરથૉનની બ્રૅન્ડ-ઍમ્બૅસેડર મૅરી કૉમ જ્યારે આઝાદ મેદાનના પ્રેસ સેન્ટરમાં આવી ત્યારે તેના સ્વાગત માટે થયેલો તાળીઓનો ગડગડાટ જોઈને તે ઘણી ભાવુક થઈ હતી. મૅરી કૉમે કહ્યું હતું કે ‘મને હજી પણ એવું સપનું આવું છે કે હું ઘણા મેડલ જીતતી હોઉં. ઑલિમ્પિક્સ, એશિયન ગેમ્સ, કૉમનવેલ્થ... જોકે ઑલિમ્પિક્સનો ગોલ્ડ મેડલ એવો છે જે મેળવવાની મારી પણ તીવ્ર ઇચ્છા છે.’
આ પણ વાંચોઃ જરૂર પડી તો પુરુષ-બૉક્સરો સાથે પણ ટ્રેઇનિંગ કરશે મૅરી કૉમ
મૅરી કૉમ આવતા વર્ષે ટોક્યો ઑલિમ્પિક્સમાં ૫૧ કિલોગ્રામ કૅટેગરીમાં રમશે. તેણે કહ્યું હતું કે ‘આ માટે મેં જુનિયર બૉય્ઝ સાથે તાલીમ લઈ રહી છું જેઓ મારા કરતાં પણ મજબૂત છે.’