સ્ટોક્સ માટે કોઈ મર્યાદા નથી : જો રૂટ

Published: Jul 22, 2020, 12:26 IST | Agencies | Manchester

ઇંગ્લૅન્ડ ક્રિકેટ ટીમના કપ્તાન જો રૂટે ઑલરાઉન્ડર બેન સ્ટોક્સનાં ખૂબ વખાણ કર્યાં છે. બીજી ટેસ્ટ મૅચ જિતાડવામાં સ્ટોક્સે અગત્યની ભૂમિકા ભજવી હતી.

જો રૂટ
જો રૂટ

ઇંગ્લૅન્ડ ક્રિકેટ ટીમના કપ્તાન જો રૂટે ઑલરાઉન્ડર બેન સ્ટોક્સનાં ખૂબ વખાણ કર્યાં છે. બીજી ટેસ્ટ મૅચ જિતાડવામાં સ્ટોક્સે અગત્યની ભૂમિકા ભજવી હતી. ટેસ્ટ મૅચની સિરીઝમાં ઇંગ્લૅન્ડ અને વેસ્ટ ઇન્ડીઝ એક-એક મૅચ જીતી ચૂક્યાં છે. ઇંગ્લૅન્ડ બીજી ટેસ્ટ મૅચ ૧૧૩ રને જીત્યું હતું. સ્ટોક્સનાં વખાણ કરતાં જો રૂટે કહ્યું કે ‘તે ઘણો અદ્ભુત પ્લેયર છે. મારા ખ્યાલથી તે આવા ફૉર્મ સાથે પર્ફોર્મન્સ આપતો રહેશે. તેને માટે ખરેખર કોઈ મર્યાદા નથી. અલગ-અલગ પ્રકારની ગેમ રમવાથી તમે સારી રીતે સમજી શકો છો અને પર્ફોર્મ કરી શકો છો. પરિસ્થિતિને જાણીને તે પોતાની ગેમ રમી શકે છે જે તેનામાં આત્મવિશ્વાસનો વધારો કરે છે. છેલ્લા ૧૨ મહિનાથી તે સતત સારું પ્રદર્શન કરતો આવ્યો છે. મારા મતે દરેક લોકો અત્યારે સ્ટોક્સને તેની કરીઅરના સર્વોચ્ચ સ્તરે રમતો જોઈ રહ્યા છે.’

સ્ટોક્સે પહેલી અને બીજી ઇનિંગમાં અનુક્રમે ૧૭૬ અને ૭૮ રન બનાવ્યા હતા.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK