ઇંગ્લૅન્ડની ટેસ્ટ ટીમમાં બટલરનો હંમેશાં સમાવેશ થવો જોઈએ : શેન વૉર્ન
શેન વૉર્ન
ઑસ્ટ્રેલિયન ભૂતપૂર્વ સ્પિનર શેન વૉર્નનું માનવું છે કે ઇંગ્લૅન્ડની ટેસ્ટ ટીમમાં વિકેટકીપર-બૅટ્સમૅન જોસ બટલરનો હંમેશાં સમાવેશ થવો જોઈએ. પાકિસ્તાન સામેની પહેલી ટેસ્ટ જીતવા માટે બટલરે પાયાની ભૂમિકા ભજવી હતી. પહેલી ટેસ્ટમાં વિકેટકીપિંગમાં ઘણી ભૂલો થતાં ટીમમાં તેને રમાડવો કે નહીં એ વિશે ઘણા સવાલ થયા હતા. આ વિશે વાત કરતાં શેન વૉર્ને કહ્યું કે ‘જોસ બટલર ઇંગ્લૅન્ડની ટીમમાં હંમેશાં રમવો જોઈએ. જોકે દરેક વ્યક્તિના કેટલાક દિવસ ખરાબ જતા હોય છે અને એ સરળ પણ નથી હોતા. જોકે જોસનો સમાવેશ હંમેશાં ટીમમાં થવો જોઈએ, કારણ કે તેની બૅટ પણ એટલો જ જવાબ આપે છે. ત્યાર બાદ તે સારો વિકેટકીપર છે અને ટીમમાં પણ સારો લીડર છે. તે ખૂબ શાંત છે અને એક પૂરેપૂરો પૅકેજમાં આવેલો પ્લેયર છે.’