જુઓ...ખરેખરમાં લગાવ્યો ’હનુમાન કૂદકો‘

Published: 30th September, 2011 19:44 IST

લંડનના ટાવર બ્રિજ પાસેના એક પાર્કિંગ સ્લૉટમાં ગઈ કાલે ત્રણ મિની કાર ઊભી રખાવીને એના પરથી લાંબો કૂદકો મારતો ઇંગ્લૅન્ડનો પચીસ વર્ષનો જે. જે. જેગેડે નામનો ચૅમ્પિયન લૉન્ગ-જમ્પર (ઉપર). તેણે આવતા વર્ષની લંડન ઑલિમ્પિક્સ માટેની પ્રૅક્ટિસની આ સાથે અનોખી શરૂઆત કરી હતી.

 

તેણે આ છ મીટર (૨૦ ફૂટ) લાંબી છલાંગ સફળતાપૂર્વક લગાવી હતી. સામાન્ય રીતે તે સાતથી આઠ મીટરનો લૉન્ગ જમ્પ આસાનીથી મારી શકે છે. ૮.૦૪ મીટર (૨૬ ફૂટ) તેનો અત્યાર સુધીનો બેસ્ટ જમ્પ છે. ખાસ તેના માટે એક છેડે કારની છત સુધીની ઊંચાઈમાં રન-અપ ટ્રૅક બનાવવામાં આવ્યો હતો. સામા છેડે એટલી જ હાઇટ પર રેતી ભરેલી ગૂણીઓ રાખવામાં આવી હતી. તેની આ કરામત જોવા સેંકડો લોકો જમા થઈ ગયા હતા. બે-બે મીટર પહોળી કુલ ત્રણ કારને કુદાવ્યા પછી જેગેડે (ડાબે)એ કહ્યું હતું કે ‘ચોથી કાર ઊભી રાખવામાં આવી હોત તો એ પણ મેં કુદાવી હોત.યુવાન ઍથ્લીટોને મારી સલાહ છે કે તમે આવો કે બીજો કોઈ ડેન્જરસ અખતરો ક્યારેય નહીં કરતા.’

 


તસવીર : એએફપી

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK