લિયોનેલ મેસીએ બાર્સેલોના સાથે 4 સીઝન માટે કર્યો અધધધ ૪૯૧૧ કરોડનો કરાર
લિયોનેલ મેસીએ બાર્સેલોના સાથે 4 સીઝન માટે કર્યો અધધધ ૪૯૧૧ કરોડનો કરાર
ફુટબૉલ જગતના દિગ્ગજ પ્લેયર લિયોનેલ મેસીએ બાર્સેલોના સાથે ચાર સીઝન માટે અધધધ ૫૫૫ મિલ્યન યુરો (૬૭૩ મિલ્યન ડૉલર)નો અંદાજે ૪૯૧૧ કરોડ રૂપિયાનો કરાર કર્યો છે જે ખેલ-જગતના ઇતિહાસમાં કોઈ પણ ઍથ્લિટ દ્વારા કરવામાં આવેલો સૌથી મોટો સોદો બન્યો છે. એક સ્પૅનિશ સમાચારપત્ર ‘અલ મુંડો’ના જણાવ્યા અનુસાર જો બધી શરતો માન્ય થાય તો મેસીને ચાર સીઝન દરમ્યાન વધારેમાં વધારે ૫૫,૫૨,૩૭,૬૧૯ યુરો (૬૭,૩૯,૧૯,૧૦૫ ડૉલર) મળશે. પ્રાપ્ત જાણકારી મુજબ મેસીને ૨૦૧૭માં પ્રત્યેક સીઝન માટે અંદાજે ૧૩૮ મિલ્યન યુરો (૧૬૭ મિલ્યન ડૉલર) અંદાજે ૧૨૨૧ કરોડ મળતા હતા.
મેસીના ૩૦ પાનાંના રિન્યુઅલ કરાર સ્વીકરવા માટે ૧૧,૫૨,૨૫,૦૦૦ યુરોનું સાઇનઇન-ઑન બોનસ અને ૭,૭૯,૨૯,૯૫૫ યુરોનું લૉયલ્ટી બોનસ સામેલ છે. પ્રાપ્ત માહિતી મુજબ મેસીના કરાર જે આ વર્ષે જૂન મહિનામાં પૂરો થવાનો છે એ પહેલાં જ તેણે અંદાજે ૫૧,૧૫,૪૦,૫૪૫ યુરોની કમાણી કરી લીધી છે.