નિર્ધારિત સમયપત્રક મુજબ જ રમાશે ઍડીલેટ ટેસ્ટ

Published: 25th November, 2020 14:54 IST | IANS | New Delhi

ઑસ્ટ્રેલિયાના ક્રિકેટ બોર્ડની ઘોષણા

પ્રતીકાત્મક તસવીર
પ્રતીકાત્મક તસવીર

ક્રિકેટ ઑસ્ટ્રેલિયાના ચીફ એક્ઝિક્યુટિવ નીક હોકલીએ ગઈ કાલે પુષ્ટિ કરતાં જણાવ્યું હતું કે ભારત અને ઑસ્ટ્રેલિયા વચ્ચે ઍડીલેડમાં રમાનારી પહેલી ટેસ્ટ મૅચ એના નિર્ધારિત સમયપત્રક મુજબ જ રમાશે. હોકલીએ કહ્યું કે તમને જાણ હશે કે ગયા અઠવાડિયે કોરોનાના કેટલાક કેસ જોવા મળ્યા હતા. દક્ષિણ ઑસ્ટ્રેલિયન સરકાર સાથે અમે સાવધાનીપૂર્વક કામ કરી રહ્યા છીએ અને હાલમાં અમને આશ્વસ્ત કરવામાં આવ્યા છે કે દરેક પ્રકારની સાવધાની રાખવામાં આવશે. ગયા શનિવારે લૉકડાઉનનો એક તબક્કો પૂરો થયો છે માટે હવે ઍડીલેડ ટેસ્ટ માટે પૂરતું ધ્યાન આપી શકાશે. અમને ભરોસો છે કે નિર્ધારિત સમયપત્રક મુજબ અમે આગળ વધી શકીશું.’
ઉલ્લેખનીય છે કે કોરોનાના કેસ વધતાં પહેલી ડે-નાઇટ ટેસ્ટ મૅચ પર સંકટનાં વાદળ ઘેરાયાં હતાં. વધુ જાણકારી આપતાં નીક હોકલીએ કહ્યું કે ‘અમે નસીબદાર છીએ કે ઑસ્ટ્રેલિયામાં કોરોનાના દરદીઓની સંખ્યા ઓછી છે. સ્વાસ્થ્ય અધિકારીઓ સાથે અમે નજીકથી કામ કરી રહ્યા છીએ અને શક્ય એટલી પરિસ્થિતિ પર નજર રાખી રહ્યા છીએ. આઇપીએલથી ઑસ્ટ્રેલિયા આવેલા ભારતીય પ્લેયરોની ટ્રેઇનિંગ, તેમનું ક્વૉરન્ટીન, જિમ પર પણ અમે ધ્યાન આપી રહ્યા છીએ. સ્વાભાવિક છે કે બન્ને દેશના રમતવીરો માટે સુરક્ષા જરૂરી છે. ભારતીય ક્રિકેટ બોર્ડ સાથે પણ અમે સંપર્કમાં છીએ.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK